dard duniya bhar ka sine mein liye jate hain hum

dard duniyā bhar kā siine meñ liye jaate haiñ ham

zindagī jiine kī majbūrī jiye jaate haiñ ham

apne dāman se chhuḌā ab kahte ġhairoñ kā huā

be-ḳhatā dohrī sazā.eñ bhī piye jaate haiñ ham

yuuñ to ye bāzār mahfil par sabhī vīrān haiñ

phir bhī vīrāne meñ āvāzeñ diye jaate haiñ ham

bah rahī haiñ har zabāñ par un kī zālim dāstāñ

phir bhī kuchh aisā ki hoñToñ ko siye jaate haiñ ham

ek taaza choT yuuñ barsī kī pahlī dhul ga.ī

is tarah se ġham ġhalat ġham se kiye jaate haiñ ham

dard duniya bhar ka sine mein liye jate hain hum

zindagi jine ki majburi jiye jate hain hum

apne daman se chhuDa ab kahte ghairon ka hua

be-KHata dohri sazaen bhi piye jate hain hum

yun to ye bazar mahfil par sabhi viran hain

phir bhi virane mein aawazen diye jate hain hum

bah rahi hain har zaban par un ki zalim dastan

phir bhi kuchh aisa ki honTon ko siye jate hain hum

ek taza choT yun barsi ki pahli dhul gai

is tarah se gham ghalat gham se kiye jate hain hum