hum ko uski dosti se dushmani achchhi lagi

ham ko us kī dostī se dushmanī achchhī lagī

pyaar kī duniyā meñ aise ḳhud-kushī achchhī lagī

kar rahe haiñ ham sabhī is daur meñ andhā safar

jitnī jis ke saath thī jaisī kaTī achchhī lagī

so ga.iiñ āñkhoñ meñ terī chāhatoñ kī uljhaneñ

muddatoñ ke baad ham ko niiñd bhī achchhī lagī

shā.erī kā shauq ghar ke mas.ale daftar kī fikr

is tarah qistoñ meñ baTtī zindagī achchhī lagī

muntazir 'dānish' rahe ham bas usī ke umr bhar

mil na paa.ī jo kabhī bhī vo ḳhushī achchhī lagī

hum ko us ki dosti se dushmani achchhi lagi

pyar ki duniya mein aise KHud-kushi achchhi lagi

kar rahe hain hum sabhi is daur mein andha safar

jitni jis ke sath thi jaisi kaTi achchhi lagi

so gain aankhon mein teri chahaton ki uljhanen

muddaton ke baad hum ko nind bhi achchhi lagi

shaeri ka shauq ghar ke masale daftar ki fikr

is tarah qiston mein baTti zindagi achchhi lagi

muntazir 'danish' rahe hum bas usi ke umr bhar

mil na pai jo kabhi bhi wo KHushi achchhi lagi