jo nazar nazar se mila sake mujhe us nazar ki talash hai

jo nazar nazar se milā sake mujhe us nazar kī talāsh hai

huī jis se koī ḳhatā nahīñ mujhe us bashar kī talāsh hai

mirī zindagī ke sukh aur dukh ye to raat din kī tarah se haiñ

jo na pahuñche shaam talak kabhī mujhe us sahar kī talāsh hai

mujhe lag rahā hai ki nā-ḳhudā nahīñ apne hosh-o-havās meñ

jo safīna paar lagā sake usī bā-hunar kī talāsh hai

ka.ī moḌ aa.e hayāt meñ kabhī sukh milā kabhī dukh milā

maiñ huuñ aaj aise maqām par jahāñ dīda-var kī talāsh hai

kiye maiñ ne kitne gunāh haiñ nahīñ us kā koī hisāb hai

jo muaaf phir bhī mujhe kare kisī us nazar kī talāsh hai

maiñ bhaTak rahā huuñ idhar-udhar kabhī is ke dar kabhī us ke dar

jo milā sake mujhe mujh hī se usī rāhbar kī talāsh hai

jo nazar nazar se mila sake mujhe us nazar ki talash hai

hui jis se koi KHata nahin mujhe us bashar ki talash hai

meri zindagi ke sukh aur dukh ye to raat din ki tarah se hain

jo na pahunche sham talak kabhi mujhe us sahar ki talash hai

mujhe lag raha hai ki na-KHuda nahin apne hosh-o-hawas mein

jo safina par laga sake usi ba-hunar ki talash hai

kai moD aae hayat mein kabhi sukh mila kabhi dukh mila

main hun aaj aise maqam par jahan dida-war ki talash hai

kiye main ne kitne gunah hain nahin us ka koi hisab hai

jo muaf phir bhi mujhe kare kisi us nazar ki talash hai

main bhaTak raha hun idhar-udhar kabhi is ke dar kabhi us ke dar

jo mila sake mujhe mujh hi se usi rahbar ki talash hai