kaun kahta hai ki ye zist saja hai mujhko

kaun kahtā hai ki ye ziist sazā hai mujh ko

ek uljhā huā kirdār milā hai mujh ko

mujh ko in.aam mile yā mirī rusvā.ī ho

kuchh ta.alluq bhalā is baat se kyā hai mujh ko

chand lamhe to mirī umr meñ aise aa.e

dushmanoñ se bhī bahut pyaar milā hai mujh ko

kis tarah umr kā dushvār safar tai hogā

biich raste meñ koī chhoḌ gayā hai mujh ko

mujh ko ḳhud se na ḳhudā se hai shikāyat 'manzar'

jo bhī kuchh thā mire hisse kā milā hai mujh ko

kaun kahta hai ki ye zist saza hai mujh ko

ek uljha hua kirdar mila hai mujh ko

mujh ko inam mile ya meri ruswai ho

kuchh talluq bhala is baat se kya hai mujh ko

chand lamhe to meri umr mein aise aae

dushmanon se bhi bahut pyar mila hai mujh ko

kis tarah umr ka dushwar safar tai hoga

bich raste mein koi chhoD gaya hai mujh ko

mujh ko KHud se na KHuda se hai shikayat 'manzar'

jo bhi kuchh tha mere hisse ka mila hai mujh ko