maut to aani hai to phir maut ka kyun Dar rakhun
maut to aanī hai to phir maut kā kyuuñ Dar rakhūñ
zindagī aa tere qadmoñ par maiñ apnā sar rakhūñ
jis meñ maañ aur baap kī sevā kā shubh sankalp ho
chāhtā huuñ maiñ bhī kāñdhe par vahī kāñvar rakhūñ
haañ mujhe uḌnā hai lekin is kā matlab ye nahīñ
apne sachche bāzuoñ meñ is ke us ke par rakhūñ
aaj kaise imtihāñ meñ us ne Daalā hai mujhe
hukm ye de kar ki apnā dhaḌ rakhūñ yā sar rakhūñ
kaun jaane kab bulāvā aa.e aur jaanā paḌe
sochtā huuñ har ghaḌī tayyār ab bistar rakhūñ
aisā kahnā ho gayā hai merī aadat meñ shumār
kaam vo to kar liyā hai kaam ye bhī kar rakh rakhūñ
khel bhī chaltā rahe aur baat bhī hotī rahe
tum savāloñ ko rakho maiñ sāmne uttar rakhūñ
maut to aani hai to phir maut ka kyun Dar rakhun
zindagi aa tere qadmon par main apna sar rakhun
jis mein man aur bap ki sewa ka shubh sankalp ho
chahta hun main bhi kandhe par wahi kanwar rakhun
han mujhe uDna hai lekin is ka matlab ye nahin
apne sachche bazuon mein is ke us ke par rakhun
aaj kaise imtihan mein us ne Dala hai mujhe
hukm ye de kar ki apna dhaD rakhun ya sar rakhun
kaun jaane kab bulawa aae aur jaana paDe
sochta hun har ghaDi tayyar ab bistar rakhun
aisa kahna ho gaya hai meri aadat mein shumar
kaam wo to kar liya hai kaam ye bhi kar rakh rakhun
khel bhi chalta rahe aur baat bhi hoti rahe
tum sawalon ko rakho main samne uttar rakhun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
