pir chhupla kar masarrat ko bayan karta raha

piir chhuplā kar masarrat ko bayāñ kartā rahā

dost mere dostī meñ tū daġhā kartā rahā

maiñ 'ibārat jo kabhī bhī harf bhar badlī nahīñ

har koī apnī tarah se tarjuma kartā rahā

jis bashar ko thī dalīleñ sunñe kī fursat nahīñ

vo hamārī zindagī kā faisla kartā rahā

dair meñ aayā bhagat karne ko rab kā shukriya

par vo to lahja badal shikva-gila kartā rahā

zarf miTTī kā thā sone sā gumāñ kartā rahā

thā faqat raajā jise ye jag ḳhudā kartā rahā

pir chhupla kar masarrat ko bayan karta raha

dost mere dosti mein tu dagha karta raha

main 'ibarat jo kabhi bhi harf bhar badli nahin

har koi apni tarah se tarjuma karta raha

jis bashar ko thi dalilen sunne ki fursat nahin

wo hamari zindagi ka faisla karta raha

dair mein aaya bhagat karne ko rab ka shukriya

par wo to lahja badal shikwa-gila karta raha

zarf miTTi ka tha sone sa guman karta raha

tha faqat raja jise ye jag KHuda karta raha