soch KHud hi main ki tu aape se bahar kaun hai

soch ḳhud hī maiñ ki tū aape se bāhar kaun hai

hai ġhalat-fahmī tujhe tere barābar kaun hai

rakkhūñ sar godī meñ us kī aur āñkheñ miich luuñ

phir karūñ mahsūs mere dil ke andar kaun hai

jal meñ jal mil jā.egā to kaun ye batlā.egā

is meñ dariyā kaun sā hai aur samundar kaun hai

jab paḌosī ne hī mere mujh se nazreñ pher liiñ

to mujhe āvāz dene vaalā dar par kaun hai

vo ghaḌī bhī aa.egī jab ye pata chal jā.egā

ham meñ shīsha kaun sā hai aur patthar kaun hai

ye patā karnā hai mushkil dostoñ kī bhiiḌ meñ

dushman-e-jāñ kaun hai aur merā dilbar kaun hai

soch KHud hi main ki tu aape se bahar kaun hai

hai ghalat-fahmi tujhe tere barabar kaun hai

rakkhun sar godi mein us ki aur aankhen mich lun

phir karun mahsus mere dil ke andar kaun hai

jal mein jal mil jaega to kaun ye batlaega

is mein dariya kaun sa hai aur samundar kaun hai

jab paDosi ne hi mere mujh se nazren pher lin

to mujhe aawaz dene wala dar par kaun hai

wo ghaDi bhi aaegi jab ye pata chal jaega

hum mein shisha kaun sa hai aur patthar kaun hai

ye pata karna hai mushkil doston ki bhiD mein

dushman-e-jaan kaun hai aur mera dilbar kaun hai