taDapte dil ko sukun ka pata mile na mile

taḌapte dil ko sukūñ kā pata mile na mile

tumhāre dard se behtar davā mile na mile

mire gunāh kī mujh ko sazā milegī zarūr

mirī vafāoñ kā mujh ko sila mile na mile

mire gunāh meñ shāmil mirā zamīr bhī thā

ye aur baat ki is ko sazā mile na mile

tum apne haath kā patthar yahīñ pe ḳharch karo

phir is ke baad tumheñ aa.ina mile na mile

chalo ham aaj ye qissa yahīñ pe ḳhatm kareñ

ki ḳhud ulajh ke bhī ham ko sirā mile na mile

taDapte dil ko sukun ka pata mile na mile

tumhaare dard se behtar dawa mile na mile

mere gunah ki mujh ko saza milegi zarur

meri wafaon ka mujh ko sila mile na mile

mere gunah mein shamil mera zamir bhi tha

ye aur baat ki is ko saza mile na mile

tum apne hath ka patthar yahin pe KHarch karo

phir is ke baad tumhein aaina mile na mile

chalo hum aaj ye qissa yahin pe KHatm karen

ki KHud ulajh ke bhi hum ko sira mile na mile