tha kabhi kuchh na kuchh hai ab mera

thā kabhī kuchh na kuchh hai ab merā

phir bhī lagtā hai sab kā sab hai merā

āsmāñ bhī jhuke to baat bane

ye zamīñ kar chukī adab merā

naam kuchh bhī ho aadmī huuñ maiñ

aur tū bhī hai ham-nasab merā

jaane kyā kuchh hai naqsha chehre par

hāl-e-dil pūchhte haiñ sab merā

mere shauq-e-anā-darāzī se

mujh pe TuuTā hai har ġhazab merā

hai man-o-tū kā farq bhī kyā farq

tujh se hai jo bhī hai nasab merā

ā.īñe se bhī Dar rahā huuñ 'abhay'

haal hai aaj kuchh ajab merā

tha kabhi kuchh na kuchh hai ab mera

phir bhi lagta hai sab ka sab hai mera

aasman bhi jhuke to baat bane

ye zamin kar chuki adab mera

nam kuchh bhi ho aadmi hun main

aur tu bhi hai ham-nasab mera

jaane kya kuchh hai naqsha chehre par

haal-e-dil puchhte hain sab mera

mere shauq-e-ana-daraazi se

mujh pe TuTa hai har ghazab mera

hai man-o-tu ka farq bhi kya farq

tujh se hai jo bhi hai nasab mera

aaine se bhi Dar raha hun 'abhay'

haal hai aaj kuchh ajab mera