tera kyon aashiqi mein dil lagega

tirā kyoñ 'āshiqī meñ dil lagegā

tirā bas be-ruḳhī meñ dil lagegā

agar nafrat bhulā kar pyaar bāñTūñ

jahāñ kī har ḳhushī meñ dil lagegā

mohabbat tum mirī taslīm kar lo

tumhārā zindagī meñ dil lagegā

charāġhoñ sā jalā hai jo musalsal

to kaise raushnī meñ dil lagegā

kisī husn-e-balā se haar pā kar

hamārī shā'irī meñ dil lagegā

agar urdu zabāñ ko siikh loge

ġhazal kī chāshnī meñ dil lagegā

kisī ne dil agar zaḳhmī kiyā hai

ġhamoñ kī raushnī meñ dil lagegā

agar zulfoñ ke saa.e saath hoñge

to 'ātish' tīrgī meñ dil lagegā

tera kyon 'ashiqi mein dil lagega

tera bas be-ruKHi mein dil lagega

agar nafrat bhula kar pyar banTun

jahan ki har KHushi mein dil lagega

mohabbat tum meri taslim kar lo

tumhaara zindagi mein dil lagega

charaghon sa jala hai jo musalsal

to kaise raushni mein dil lagega

kisi husn-e-bala se haar pa kar

hamari sha'iri mein dil lagega

agar urdu zaban ko sikh loge

ghazal ki chashni mein dil lagega

kisi ne dil agar zaKHmi kiya hai

ghamon ki raushni mein dil lagega

agar zulfon ke sae sath honge

to 'atish' tirgi mein dil lagega