ungliyan tham ke KHud chalna sikhaya tha jise
uñgliyāñ thaam ke ḳhud chalnā sikhāyā thā jise
raah meñ chhoḌ gayā raah pe laayā thā jise
us ne poñchhe hī nahīñ ashk mirī āñkhoñ se
maiñ ne ḳhud ro ke bahut der hañsāyā thā jise
chhū ke hoñThoñ ko mire mujh se bahut duur ga.ī
vo ġhazal maiñ ne baḌe shauq se gaayā thā jise
mujh se nārāz hai ik shaḳhs kā naqlī chehra
dhuup meñ aa.ina ik roz dikhāyā thā jise
ab baḌā ho ke mire sar pe chaḌhā aatā hai
apne kāñdhe pe 'kuñvar' hañs ke biThāyā thā jise
ungliyan tham ke KHud chalna sikhaya tha jise
rah mein chhoD gaya rah pe laya tha jise
us ne ponchhe hi nahin ashk meri aankhon se
main ne KHud ro ke bahut der hansaya tha jise
chhu ke honThon ko mere mujh se bahut dur gai
wo ghazal main ne baDe shauq se gaya tha jise
mujh se naraaz hai ek shaKHs ka naqli chehra
dhup mein aaina ek roz dikhaya tha jise
ab baDa ho ke mere sar pe chaDha aata hai
apne kandhe pe 'kunwar' hans ke biThaya tha jise
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
