ye dhuen ka ek ghera ki main jis mein rah raha hun

ye dhueñ kā ek gherā ki maiñ jis meñ rah rahā huuñ

mujhe kis qadar nayā hai maiñ jo dard sah rahā huuñ

ye zamīn tap rahī thī ye makān tap rahe the

tirā intizār thā jo maiñ usī jagah rahā huuñ

maiñ ThiThak gayā thā lekin tire saath saath thā maiñ

tū agar nadī huī to maiñ terī satah rahā huuñ

tire sar pe dhuup aa.ī to daraḳht ban gayā maiñ

tirī zindagī meñ aksar maiñ koī vajah rahā huuñ

kabhī dil meñ aarzū sā kabhī muñh meñ bad-duā sā

mujhe jis tarah bhī chāhā maiñ usī tarah rahā huuñ

mire dil pe haath rakkho mirī bebasī ko samjho

maiñ idhar se ban rahā huuñ maiñ udhar se Dheh rahā huuñ

yahāñ kaun dekhtā hai yahāñ kaun sochtā hai

ki ye baat kyā huī hai jo maiñ sher kah rahā huuñ

ye dhuen ka ek ghera ki main jis mein rah raha hun

mujhe kis qadar naya hai main jo dard sah raha hun

ye zamin tap rahi thi ye makan tap rahe the

tera intizar tha jo main usi jagah raha hun

main ThiThak gaya tha lekin tere sath sath tha main

tu agar nadi hui to main teri satah raha hun

tere sar pe dhup aai to daraKHt ban gaya main

teri zindagi mein aksar main koi wajah raha hun

kabhi dil mein aarzu sa kabhi munh mein bad-dua sa

mujhe jis tarah bhi chaha main usi tarah raha hun

mere dil pe hath rakkho meri bebasi ko samjho

main idhar se ban raha hun main udhar se Dheh raha hun

yahan kaun dekhta hai yahan kaun sochta hai

ki ye baat kya hui hai jo main sher kah raha hun