zindagi ke daman mein ek KHushi nahin aai

zindagī ke dāman meñ ik ḳhushī nahīñ aa.ī

is liye to chehre par tāzgī nahīñ aa.ī

jhuuT meñ chhupe maiñ ne sach ke raaz khole haiñ

kam-suḳhan the vo jin se daad bhī nahīñ aa.ī

us ke hī tasavvur meñ jal rahā huuñ muddat se

jaane kyoñ use merī yaad hī nahīñ aa.ī

ḳhūn-e-dil se sīñchā hai maiñ ne terī chāhat ko

haiñ sabhī nazāroñ meñ tū kabhī nahīñ aa.ī

tere husn kī ḳhūbī maiñ bayāñ na kar paayā

dard-e-dil milā mujh ko shā'irī nahīñ aa.ī

us kī kajravī āñkheñ jab se mil ga.iiñ mujh se

dostoñ usī shab se niiñd hī nahīñ aa.ī

intizār dil ko bhī muddatoñ se hai jis kā

gul nahīñ khilā 'ātish' vo kalī nahīñ aa.ī

zindagi ke daman mein ek KHushi nahin aai

is liye to chehre par tazgi nahin aai

jhuT mein chhupe main ne sach ke raaz khole hain

kam-suKHan the wo jin se dad bhi nahin aai

us ke hi tasawwur mein jal raha hun muddat se

jaane kyon use meri yaad hi nahin aai

KHun-e-dil se sincha hai main ne teri chahat ko

hain sabhi nazaron mein tu kabhi nahin aai

tere husn ki KHubi main bayan na kar paya

dard-e-dil mila mujh ko sha'iri nahin aai

us ki kajrawi aankhen jab se mil gain mujh se

doston usi shab se nind hi nahin aai

intizar dil ko bhi muddaton se hai jis ka

gul nahin khila 'atish' wo kali nahin aai