zindagi yun bhi jali yun bhi jali milon tak

zindagī yuuñ bhī jalī yuuñ bhī jalī mīloñ tak

chāñdnī chaar qadam dhuup chalī mīloñ tak

pyaar kā gaañv ajab gaañv hai jis meñ aksar

ḳhatm hotī hī nahīñ dukh kī galī mīloñ tak

pyaar meñ kaisī thakan kah ke ye ghar se niklī

krishn kī khoj meñ virshbhānu-lalī mīloñ tak

ghar se niklā to chalī saath meñ biTiyā kī hañsī

ḳhushbueñ detī rahī nannhī kalī mīloñ tak

maañ ke āñchal se jo lipTī to ghumaḌ kar barsī

merī palkoñ meñ jo ik piir palī mīloñ tak

maiñ huā chup to koī aur udhar bol uThā

baat ye hai ki tirī baat chalī mīloñ tak

ham tumhāre haiñ 'kuñvar' us ne kahā thā ik din

man meñ ghultī rahī misrī kī Dalī mīloñ tak

zindagi yun bhi jali yun bhi jali milon tak

chandni chaar qadam dhup chali milon tak

pyar ka ganw ajab ganw hai jis mein aksar

KHatm hoti hi nahin dukh ki gali milon tak

pyar mein kaisi thakan kah ke ye ghar se nikli

krishn ki khoj mein wirshbhanu-lali milon tak

ghar se nikla to chali sath mein biTiya ki hansi

KHushbuen deti rahi nannhi kali milon tak

man ke aanchal se jo lipTi to ghumaD kar barsi

meri palkon mein jo ek pir pali milon tak

main hua chup to koi aur udhar bol uTha

baat ye hai ki teri baat chali milon tak

hum tumhaare hain 'kunwar' us ne kaha tha ek din

man mein ghulti rahi misri ki Dali milon tak