Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kis nur ki majlis mein meri jalwagari hai

Meer Muzaffar Husain Zameer

kis nur ki majlis mein meri jalwagari hai

Meer Muzaffar Husain Zameer

MORE BYMeer Muzaffar Husain Zameer

    kis nuur majlis meñ mirī jalvagarī hai

    kis nuur majlis meñ mirī jalvagarī hai

    jis nuur se pur-nūr ye nūr-e-nazarī hai

    aamad meñ hairān qayās-e-bashrī hai

    ye kaun tasvīr-e-tajallī se bharī hai

    go husn rutba nahīñ mazkūr huā hai

    mimbar mirā ham-martaba-e-tūr huā hai

    sad shukr ki majlis marī mushtāq-e-suḳhan hai

    ye faiz-e-ināyāt-e-husain aur hasan hai

    phir josh-e-javānī pe marī tab.a-e-kuhan hai

    ye quvvat-e-imdād shah-e-tishna-dahan hai

    naqqāsh meñ ye san.at-e-tahrīr nahīñ hai

    tasvīr dikhātā huuñ ye taqrīr nahīñ hai

    naqqāsh to kartā hai qalam le ke ye tadbīr

    ik shakl na.ī safha-e-qirtās pe tahrīr

    insāf karo kilk-e-zabāñ se dam-e-tahrīr

    maiñ safha-e-bātin meñ raqam kartā huuñ tasvīr

    sau rañg se tasvīr musavvir ne bharī hai

    rañgīni-e-mazmūñ kahāñ jalvagarī hai

    tasvīr maiñ us shaḳhs huuñ tum ko dikhātā

    jo sānī-e-mahbūb-e-ilāhī hai kahātā

    ik nuur jo jaatā hai to ik nuur hai aatā

    vaj.h-e-adam-e-sāya-e-ahmad huuñ sunātā

    thā ba.ad-e-mohammad ke jo aayā alī akbar

    thā ahmad-e-muḳhtār saaya alī akbar

    yaañ tak suḳhan-e-tāza kiyā tab.a ne paidā

    vo nūr-e-nabī aur nabī nūr-e-ḳhudā

    ye silsila-e-nūr kahāñ ke hai pahuñchā

    akbar ko jo dekhā to batāo kise dekhā

    vallāh ziyārat sazā-vār hai akbar

    nemul-badal ahmad0-e-muḳhtār hai akbar

    lekin tumheñ tasvīr ye kartī hai ishārat

    haañ majlisiyāñ roza-e-jannat bashārat

    ho mahv-e-tahārat hai agar qasd-e-ziyārat

    hai lāzim-o-malzūm ziyārat ko tahārat

    is qasd pe baiThe ho jo sāhib-e-nazaro tum

    tajdīd-e-vazū ashk ke paanī se karo tum

    likhā hai ki thī hazrat-e-shabbīr ko aadat

    hotī thī namāz-e-sahrī se jo farāġhat

    pahle alī akbar ko bulvāte the hazrat

    farmāte the kartā huuñ ibādat meñ ibādat

    raushan ho na kyuuñ chashm-e-husain ibn-e-alī

    kartā huuñ ziyārat meñ jamāl-e-nubvī

    karte alī akbar to jhukā farq ko mujrā

    har martaba mil jaatā thā paañv se sar un

    kis nur ki majlis mein meri jalwagari hai

    kis nur ki majlis mein meri jalwagari hai

    jis nur se pur-nur ye nur-e-nazari hai

    aamad hi mein hairan qayas-e-bashri hai

    ye kaun si taswir-e-tajalli se bhari hai

    go husn ka rutba nahin mazkur hua hai

    mimbar mera ham-martaba-e-tur hua hai

    sad shukr ki majlis mari mushtaq-e-suKHan hai

    ye faiz-e-inayat-e-husain aur hasan hai

    phir josh-e-jawani pe mari taba-e-kuhan hai

    ye quwwat-e-imdad shah-e-tishna-dahan hai

    naqqash mein ye sanat-e-tahrir nahin hai

    taswir dikhata hun ye taqrir nahin hai

    naqqash to karta hai qalam le ke ye tadbir

    ek shakl nai safha-e-qirtas pe tahrir

    insaf karo kilk-e-zaban se dam-e-tahrir

    main safha-e-baatin mein raqam karta hun taswir

    sau rang se taswir musawwir ne bhari hai

    rangini-e-mazmun ki kahan jalwagari hai

    taswir main us shaKHs ki hun tum ko dikhata

    jo sani-e-mahbub-e-ilahi hai kahata

    ek nur jo jata hai to ek nur hai aata

    wajh-e-adam-e-saya-e-ahmad hun sunata

    tha baad-e-mohammad ke jo aaya ali akbar

    tha ahmad-e-muKHtar ka saya ali akbar

    yan tak suKHan-e-taza kiya taba ne paida

    wo nur-e-nabi aur nabi nur-e-KHuda ka

    ye silsila-e-nur kahan ja ke hai pahuncha

    akbar ko jo dekha to batao kise dekha

    wallah ziyarat ka saza-war hai akbar

    nemul-badal ahmad0-e-muKHtar hai akbar

    lekin tumhein taswir ye karti hai ishaarat

    han majlisiyan roza-e-jannat ki bashaarat

    ho mahw-e-tahaarat hai agar qasd-e-ziyarat

    hai lazim-o-malzum ziyarat ko tahaarat

    is qasd pe baiThe ho jo sahib-e-nazaro tum

    tajdid-e-wazu ashk ke pani se karo tum

    likha hai ki thi hazrat-e-shabbir ko aadat

    hoti thi namaz-e-sahri se jo faraghat

    pahle ali akbar hi ko bulwate the hazrat

    farmate the karta hun ibaadat mein ibaadat

    raushan ho na kyun chashm-e-husain ibn-e-ali

    karta hun ziyarat mein jamal-e-nubwi ki

    karte ali akbar to jhuka farq ko mujra

    har martaba mil jata tha panw se sar un ka

    Source :
    • Book : Intikhab-e-maraasee (Pg. 11)
    • Author : mahmood ilaahii
    • Publication : uttar pradesh urdu academy (2010)
    • Edition : 2010
    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now