ada kiya tha jo maine us ka udhaar aadha

adā kiyā thā jo maiñ ne us kā udhār aadhā

jabhī se to us ko rah gayā e'tibār aadhā

ye ham jo biivī ko aadhī tanḳhvāh de rahe haiñ

to daal ko bhī vo de rahī hai baghār aadhā

zarūr miTTī kā tel saaqī pilā gayā hai

jo puure sāġhar se ho rahā hai ḳhumār aadhā

agar tirā haath dil pe hotā to kyā na hotā

ki nabz dekhī to rah gayā hai buḳhār aadhā

vo zahr meñ Daal kar vitamin bhī de rahā hai

to is se zāhir hai us kī nafrat meñ pyaar aadhā

ye aadhī chilman hai yā mirī aañkh meñ hai jaalā

dikhā.ī kyoñ de rahā hai rū-e-nigār aadhā

vo saas ab kitnī martaba martabān jhāñke

bahū to do din meñ khā ga.ī hai achār aadhā

vo halq meñ chhāliya ke phañsne se mar gayā hai

abhī to 'jaidī' gayā na thā sū-e-dār aadhā

ada kiya tha jo main ne us ka udhaar aadha

jabhi se to us ko rah gaya e'tibar aadha

ye hum jo biwi ko aadhi tanKHwah de rahe hain

to dal ko bhi wo de rahi hai baghaar aadha

zarur miTTi ka tel saqi pila gaya hai

jo pure saghar se ho raha hai KHumar aadha

agar tera hath dil pe hota to kya na hota

ki nabz dekhi to rah gaya hai buKHar aadha

wo zahr mein Dal kar witamin bhi de raha hai

to is se zahir hai us ki nafrat mein pyar aadha

ye aadhi chilman hai ya meri aankh mein hai jala

dikhai kyon de raha hai ru-e-nigar aadha

wo sas ab kitni martaba martaban jhanke

bahu to do din mein kha gai hai achaar aadha

wo halq mein chhaaliya ke phansne se mar gaya hai

abhi to 'jaidi' gaya na tha su-e-dar aadha