ai gham-e-dil kya karun ai wahshat-e-dil kya karun

pahlī baar aa.ī dulhan sasurāl vo bhī be-naqāb

sharm ā.ankhoñ se jhalaktī hai na hai chehre pe aab

jaise ruḳh par jhurriyāñ hoñ jaise bāloñ meñ ḳhizāb

kirkirā sā ho gayā shādī kā hāsil kyā karūñ

ai ġham-e-dil kyā karūñ ai vahshat-e-dil kyā karūñ

kaan kis ke garm kar duuñ chāñTā kis ke jaaḌ duuñ

kis kā dāman phaaḌ duuñ kis kā garebāñ phaaḌ duuñ

mahfil-e-ahbāb meñ vahshat kā jhanDā gaaḌ duuñ

shar-pasandoñ kā hai ik relā muqābil kyā karūñ

ai ġham-e-dil kyā karūñ ai vahshat-e-dil kyā karūñ

kis ko maiñ bekār kar duuñ kis kī āñkheñ phoḌ duuñ

kis ke baazū kaaT duuñ kis kī kalā.ī moḌ duuñ

sab muḳhālif haiñ yahāñ kis kis ke sar ko phoḌ duuñ

baḌh rahī haiñ uljhaneñ manzil-ba-manzil kyā karūñ

ai ġham-e-dil kyā karūñ ai vahshat-e-dil kyā karūñ

be-amal haiñ phir bhī kahte haiñ ki dīn-dāroñ meñ haiñ

pārsā kahte haiñ ḳhud ko jo gunahgāroñ meñ haiñ

surḳh dhabbe ḳhuun ke galiyoñ meñ bāzāroñ meñ haiñ

har taraf mujh ko nazar aate haiñ qātil kyā karūñ

ai ġham-e-dil kyā karūñ ai vahshat-e-dil kyā karūñ

apnī bekārī se tañg aa ke jo maiñ marne gayā

jis ghaḌī maiñ ne pahāḌī se thā chāhā kūdnā

apnī baarī pe mareñ ye ek sāhab ne kahā

jiinā bhī mushkil hai marnā bhī hai mushkil kyā karūñ

ai ġham-e-dil kyā karūñ ai vahshat-e-dil kyā karūñ

pahli bar aai dulhan sasural wo bhi be-naqab

sharm aaankhon se jhalakti hai na hai chehre pe aab

jaise ruKH par jhurriyan hon jaise baalon mein KHizab

kirkira sa ho gaya shadi ka hasil kya karun

ai gham-e-dil kya karun ai wahshat-e-dil kya karun

kan kis ke garm kar dun chanTa kis ke jaD dun

kis ka daman phaD dun kis ka gareban phaD dun

mahfil-e-ahbab mein wahshat ka jhanDa gaD dun

shar-pasandon ka hai ek rela muqabil kya karun

ai gham-e-dil kya karun ai wahshat-e-dil kya karun

kis ko main bekar kar dun kis ki aankhen phoD dun

kis ke bazu kaT dun kis ki kalai moD dun

sab muKHalif hain yahan kis kis ke sar ko phoD dun

baDh rahi hain uljhanen manzil-ba-manzil kya karun

ai gham-e-dil kya karun ai wahshat-e-dil kya karun

be-amal hain phir bhi kahte hain ki din-daron mein hain

parsa kahte hain KHud ko jo gunahgaron mein hain

surKH dhabbe KHun ke galiyon mein bazaron mein hain

har taraf mujh ko nazar aate hain qatil kya karun

ai gham-e-dil kya karun ai wahshat-e-dil kya karun

apni bekari se tang aa ke jo main marne gaya

jis ghaDi main ne pahaDi se tha chaha kudna

apni bari pe maren ye ek sahab ne kaha

jina bhi mushkil hai marna bhi hai mushkil kya karun

ai gham-e-dil kya karun ai wahshat-e-dil kya karun