baiThe hain

jo mai-ḳhāne meñ saaqī kī jagah ḳharkār baiThe haiñ

to masjid meñ bhī maulānā azābunnār baiThe haiñ

ḳhudāvandā ye tere sāda-dil bande kahāñ jaa.eñ

yahāñ laTh-mār baiThe haiñ vahāñ laTh maar baiThe haiñ

ye maktab hai yahāñ tiflān-e-dil-afgār baiThe haiñ

hazāroñ baar uTThe haiñ hazāroñ baar baiThe haiñ

talāsh-e-ilm kī aisī sazā dī hai moallim ne

nahīñ uThne kī tāqat kyā kareñ nā-chār baiThe haiñ

club hai is meñ kuchh ḳhūbān-e-ḳhushbū-dār baiThe haiñ

ḳhudā rakkhe farañgī daur ke āsār baiThe haiñ

gunāh-e-bā-salīqa kar ke kahte haiñ ye aapas meñ

ġhanīmat hai ki ham-sūrat yahāñ do chaar baiThe haiñ

ye daftar hai yahāñ afsar bane talvār baiThe haiñ

bichāre mātahat chāqū pe rakhe dhaar baiThe haiñ

sahar se shaam tak chaltī rahī hai chaa.e par chaa.e

na ye be-kār baiThe haiñ na vo be-kār baiThe haiñ

jo mai-KHane mein saqi ki jagah KHarkar baiThe hain

to masjid mein bhi maulana azabunnar baiThe hain

KHudawanda ye tere sada-dil bande kahan jaen

yahan laTh-mar baiThe hain wahan laTh mar baiThe hain

ye maktab hai yahan tiflan-e-dil-afgar baiThe hain

hazaron bar uTThe hain hazaron bar baiThe hain

talash-e-ilm ki aisi saza di hai moallim ne

nahin uThne ki taqat kya karen na-chaar baiThe hain

club hai is mein kuchh KHuban-e-KHushbu-dar baiThe hain

KHuda rakkhe farangi daur ke aasar baiThe hain

gunah-e-ba-saliqa kar ke kahte hain ye aapas mein

ghanimat hai ki ham-surat yahan do chaar baiThe hain

ye daftar hai yahan afsar bane talwar baiThe hain

bichaare matahat chaqu pe rakhe dhaar baiThe hain

sahar se sham tak chalti rahi hai chae par chae

na ye be-kar baiThe hain na wo be-kar baiThe hain