be-zaban

ham ek paañv pe haiñ zer-e-sā.ebān khaḌe

hamāre ghar meñ bhī rahte haiñ mehmān khaḌe

karo na hind meñ baat ittihād-e-millat kī

ki is se hote haiñ amrikiyoñ ke kaan khaḌe

milā hai sab ko election meñ hukm-e-sarkārī

vahāñ pe shaiḳh na baiTheñ jahāñ haiñ ḳhaan khaḌe

maiñ piiTā jaatā huuñ jab dushmanoñ ke hāthoñ se

tamāsha dekhte haiñ mere mehrbān khaḌe

kareñge va.ada zabāñ kā jab aa.egā number

usī tarah raheñ line meñ be-zabān khaḌe

hum ek panw pe hain zer-e-saeban khaDe

hamare ghar mein bhi rahte hain mehman khaDe

karo na hind mein baat ittihad-e-millat ki

ki is se hote hain amrikiyon ke kan khaDe

mila hai sab ko election mein hukm-e-sarkari

wahan pe shaiKH na baiThen jahan hain KHan khaDe

main piTa jata hun jab dushmanon ke hathon se

tamasha dekhte hain mere mehrban khaDe

karenge wada zaban ka jab aaega number

usi tarah rahen line mein be-zaban khaDe