bolo hamara kaam hua ya nahin hua

bolo hamārā kaam huā yā nahīñ huā

paisoñ kā intizām huā yā nahīñ huā

tevar bigaḌ ga.e sag-e-lailā ke jis ghaḌī

dīvāna tez-gām huā yā nahīñ huā

leader tamām ho ga.e 'izzat se phir barī

terā ḳhayāl-e-ḳhām huā yā nahīñ huā

taqrīr ke dhanī ho magar us ke rū-barū

pahiya tumhārā jaam huā yā nahīñ huā

chāroñ taraf banī haiñ falak-bos buildingeñ

ūñchā kisī kā naam huā yā nahīñ huā

tum gin rahe ho yaar mire peḌ kis liye

aamoñ kā ehtimām huā yā nahīñ huā

ghar meñ jo chal rahā thā Darāma saver se

kuchh us kā iḳhtitām huā yā nahīñ huā

bolo hamara kaam hua ya nahin hua

paison ka intizam hua ya nahin hua

tewar bigaD gae sag-e-laila ke jis ghaDi

diwana tez-gam hua ya nahin hua

leader tamam ho gae 'izzat se phir bari

tera KHayal-e-KHam hua ya nahin hua

taqrir ke dhani ho magar us ke ru-baru

pahiya tumhaara jam hua ya nahin hua

chaaron taraf bani hain falak-bos buildingen

uncha kisi ka nam hua ya nahin hua

tum gin rahe ho yar mere peD kis liye

aamon ka ehtimam hua ya nahin hua

ghar mein jo chal raha tha Darama sawer se

kuchh us ka iKHtitam hua ya nahin hua