code mein likkha hai mazmun nala-e-shab-gir ka

code meñ likkhā hai mazmūñ nāla-e-shab-gīr kā

kāġhzī hai pairahan har paikar tasvīr kā

kis ne chhoḌā hai makoḌā safha-e-qirtās par

naqsh fariyādī hai kis kī shoḳhī tahrīr kā

kyā qayāmat hai giraftārī ke warrant aa ga.e

maiñ ne to bosa liyā thā ḳhvāb meñ tasvīr kā

ye marīz-e-ishq hai mujh ko ġhalat-fahmī huī

is kā medical karāyā kes hai tabḳhīr kā

manfī o musbat kā chakkar gardish-e-shām-o-sahar

ye navishta hai piyā jī aap kī taqdīr kā

code mein likkha hai mazmun nala-e-shab-gir ka

kaghzi hai pairahan har paikar taswir ka

kis ne chhoDa hai makoDa safha-e-qirtas par

naqsh fariyaadi hai kis ki shoKHi tahrir ka

kya qayamat hai giraftari ke warrant aa gae

main ne to bosa liya tha KHwab mein taswir ka

ye mariz-e-ishq hai mujh ko ghalat-fahmi hui

is ka medical karaya kes hai tabKHir ka

manfi o musbat ka chakkar gardish-e-sham-o-sahar

ye nawishta hai piya ji aap ki taqdir ka