eliots-girls-college aur kul pak o hind mushaera

ek aise daur meñ aqdār par jab hai savāl

mahfil-e-sher-o-adab karnā hai ik amr-e-muhāl

mahfil-e-sher-o-suḳhan aur vo bhī international

hai unhī kā kaam jin se ab bhī zinda hai ġhazal

hai adab zinda ki kuchh ''ḳhuddām'' aise ab bhī haiñ

ḳhidmat-e-urdu ko jin ke paas paise ab bhī haiñ

ye idāre bhī na karte kaam agar fānūs kā

kuchh na pūchho haal kyā hotā dil-e-māyūs kā

ye idāre bhī na hoñge jab to hai is kā bhī Dar

chaltī-phirtī shā.erī hogī yahāñ har road par

gashtī shā.er road par jā kar lagā.e ye sadā

sher san lo road par hāzir hai ḳhādim aap kā

sher san lo ek misra bhī nahīñ jis meñ ġhalat

paise denā yā na denā daad de denā faqat

Thele par dīvān laayā hai ye shaḳhs is se milo

is kī ġhazloñ kā nayā majmūa do ruupe kilo

kaam lo shā.er se ḳhidmat jis kā qaumī farz hai

road par aa kar vo ḳhud kahtā hai matl.a arz hai

qāfiye kī chuul Dhīlī hai to kasvā lo abhī

hil rahī haiñ jo radīfeñ ham se Thukvā lo sabhī

aaj ye manzar nazar aate nahīñ jo chār-sū

vaj.h is kī kuchh idāre haiñ adab kī aabrū

vo idāre haiñ jo ab bhī sarparast-e-sher-o-fan

in meñ hai ek eliot-college bhī me.amār-e-vatan

'tābish' o 'kaifī' 'qatīl' o 'bedī' o ahmad-'nadīm'

eliot-college meñ aayā hai jo shā.er hai aziim

eliot-college meñ yaum-e-'faiz' manvāyā gayā

yaañ 'ra.īs'-amrohvī ko yaad farmāyā gayā

eliot-college hī vo vāhid idāra hai yahāñ

zer-e-tālīm ab jahāñ haiñ laḌkiyāñ hī laḌkiyāñ

daur-e-āmezish meñ jab har chiiz meñ hai imtizāj

eliot-college meñ ḳhālis laḌkiyāñ paḌhtī haiñ aaj

eliot-college se paayā hai jo sīdhā rāsta

laḌkiyāñ haiñ zevar-e-ta.alīm se ārāsta

daur-e-hāzir meñ to har maañ baap kī hai ye duā

laḌkī de tū eliot-college meñ paḌhvā.e ḳhudā

mujh se kal ye kahtā thā ek educated idiot

eliot-college ke baanī hoñge T.S-eliot

maiñ ne us ko jab batāyā shaukat-e-zaidī kā naam

bolā phir un donoñ ne mil kar kyā hogā ye kaam

kaun samjhā.e use jis meñ kamī knowledge kī hai?

shān-o-shaukat shaukat-e-zaidī se is college kī hai

ek aise daur mein aqdar par jab hai sawal

mahfil-e-sher-o-adab karna hai ek amr-e-muhaal

mahfil-e-sher-o-suKHan aur wo bhi international

hai unhi ka kaam jin se ab bhi zinda hai ghazal

hai adab zinda ki kuchh KHuddam aise ab bhi hain

KHidmat-e-urdu ko jin ke pas paise ab bhi hain

ye idare bhi na karte kaam agar fanus ka

kuchh na puchho haal kya hota dil-e-mayus ka

ye idare bhi na honge jab to hai is ka bhi Dar

chalti-phirti shaeri hogi yahan har road par

gashti shaer road par ja kar lagae ye sada

sher san lo road par hazir hai KHadim aap ka

sher san lo ek misra bhi nahin jis mein ghalat

paise dena ya na dena dad de dena faqat

Thele par diwan laya hai ye shaKHs is se milo

is ki ghazlon ka naya majmua do rupe kilo

kaam lo shaer se KHidmat jis ka qaumi farz hai

road par aa kar wo KHud kahta hai matla arz hai

qafiye ki chul Dhili hai to kaswa lo abhi

hil rahi hain jo radifen hum se Thukwa lo sabhi

aaj ye manzar nazar aate nahin jo chaar-su

wajh is ki kuchh idare hain adab ki aabru

wo idare hain jo ab bhi sarparast-e-sher-o-fan

in mein hai ek eliot-college bhi meamar-e-watan

'tabish' o 'kaifi' 'qatil' o 'bedi' o ahmad-'nadim'

eliot-college mein aaya hai jo shaer hai azim

eliot-college mein yaum-e-'faiz' manwaya gaya

yan 'rais'-amrohwi ko yaad farmaya gaya

eliot-college hi wo wahid idara hai yahan

zer-e-talim ab jahan hain laDkiyan hi laDkiyan

daur-e-amezish mein jab har chiz mein hai imtizaj

eliot-college mein KHalis laDkiyan paDhti hain aaj

eliot-college se paya hai jo sidha rasta

laDkiyan hain zewar-e-talim se aarasta

daur-e-hazir mein to har man bap ki hai ye dua

laDki de tu eliot-college mein paDhwae KHuda

mujh se kal ye kahta tha ek educated idiot

eliot-college ke bani honge TS-eliot

main ne us ko jab bataya shaukat-e-zaidi ka nam

bola phir un donon ne mil kar kya hoga ye kaam

kaun samjhae use jis mein kami knowledge ki hai?

shan-o-shaukat shaukat-e-zaidi se is college ki hai