hazl

ġhair se thoḌī sī ik din bevafā.ī kar ke dekh

kitnā sachchā pyaar hai merā try kar ke dekh

ḳhat nahīñ likhtā huuñ maiñ mujh ko na ye ilzām de

apnī almārī kī bhī ek din safā.ī kar ke dekh

suuī dhāga haath meñ hai aur koī kapḌā nahīñ

khaal hāzir hai mirī is par kaḌhā.ī kar ke dekh

rū-ba-rū ho yaar to ruḳh apnā us se pher le

apnī qurbat meñ kabhī shāmil judā.ī kar ke dekh

vo hasīna ab za.īfa ho chukī to kyā huā

marsiya hai tū bhī to us kī rubā.ī kar ke dekh

tere baare meñ haiñ mālūmāt kitnī us ke paas

jānñā hai to paḌosī se laḌā.ī kar ke dekh

ghair se thoDi si ek din bewafai kar ke dekh

kitna sachcha pyar hai mera try kar ke dekh

KHat nahin likhta hun main mujh ko na ye ilzam de

apni almari ki bhi ek din safai kar ke dekh

sui dhaga hath mein hai aur koi kapDa nahin

khaal hazir hai meri is par kaDhai kar ke dekh

ru-ba-ru ho yar to ruKH apna us se pher le

apni qurbat mein kabhi shamil judai kar ke dekh

wo hasina ab zaifa ho chuki to kya hua

marsiya hai tu bhi to us ki rubai kar ke dekh

tere bare mein hain malumat kitni us ke pas

jaanna hai to paDosi se laDai kar ke dekh