ek zara si baat par zalim ne jhagDa kar diya

maiñ ne kyuuñ aḳhbār meñ powder kā charchā kar diyā

jab lagā.ī sharbat-e-dīdār kī but ne sabīl

maiñ ne us ke sāmne miTTī kā loTā kar diyā

sun ke harf-e-mudda.ā vo chal diye jhaTkā ke haath

aah zālim ne mirī ulfat kā jhaTkā kar diyā

ek din maiñ ne kahā thā us ko zālim bevafā

yaar ne haisiyyat-e-urfī kā da.avā kar diyā

shā.iroñ meñ ab kahāñ achchhe bure kā imtiyāz

loud-speaker ne sab kā bol-bālā kar diyā

mere sone par vo aa.e ḳhvāb meñ hañste hue

vaah kyā qismat ne sone-par-suhāgā kar diyā

naukrī karne na paa.e the ki pension mil ga.ī

intizār-e-yār ne 'laq-laq' ko buDDhā kar diyā

main ne kyun aKHbar mein powder ka charcha kar diya

jab lagai sharbat-e-didar ki but ne sabil

main ne us ke samne miTTi ka loTa kar diya

sun ke harf-e-muddaa wo chal diye jhaTka ke hath

aah zalim ne meri ulfat ka jhaTka kar diya

ek din main ne kaha tha us ko zalim bewafa

yar ne haisiyyat-e-urfi ka dawa kar diya

shairon mein ab kahan achchhe bure ka imtiyaz

loud-speaker ne sab ka bol-baala kar diya

mere sone par wo aae KHwab mein hanste hue

wah kya qismat ne sone-par-suhaga kar diya

naukri karne na pae the ki pension mil gai

intizar-e-yar ne 'laq-laq' ko buDDha kar diya