josh par yun jazba-e-be-iKHtiyar aa hi gaya

josh par yuuñ jazba-e-be-iḳhtiyār aa hī gayā

dekh kar un ko barahna mujh ko pyaar aa hī gayā

ġhair jab ḳhalvat se niklā dauḌ kar maiñ ne kahā

dūsrā bhī aap kā ummīd-vār aa hī gayā

thā nazākat se bahut majbūr phir bhī bā'd-e-marg

saalā uThtā baiThtā sū-e-mazār aa hī gayā

us kā siine se lipaTnā thā ki taskīñ ho ga.ī

be-qarārī ko mirī kuchh to qarār aa hī gayā

intizārī meñ kisī ke raat bhar taḌpā kiye

jhūTe vā'da kā kisī ke e'tibār aa hī gayā

un kā bīmār-e-mohabbat sunte hī elān-e-dīd

thaam kar dil girtā paḌtā be-qarār aa hī gayā

ḳhauf-e-badnāmī se go aksar chhupāyā jurm ko

lab par un kā naam phir bhī baar baar aa hī gayā

josh par yun jazba-e-be-iKHtiyar aa hi gaya

dekh kar un ko barahna mujh ko pyar aa hi gaya

ghair jab KHalwat se nikla dauD kar main ne kaha

dusra bhi aap ka ummid-war aa hi gaya

tha nazakat se bahut majbur phir bhi ba'd-e-marg

sala uThta baiThta su-e-mazar aa hi gaya

us ka sine se lipaTna tha ki taskin ho gai

be-qarari ko meri kuchh to qarar aa hi gaya

intizari mein kisi ke raat bhar taDpa kiye

jhuTe wa'da ka kisi ke e'tibar aa hi gaya

un ka bimar-e-mohabbat sunte hi elan-e-did

tham kar dil girta paDta be-qarar aa hi gaya

KHauf-e-badnami se go aksar chhupaya jurm ko

lab par un ka nam phir bhi bar bar aa hi gaya