kalam-e-iqbaal aur begam

uqābī ruuh jab bedār hotī hai zanānī meñ

amaañ shauhar ko phir miltī nahīñ is dār-e-fānī meñ

kalām-e-hazrat-e-iqbāl ke asarāt to dekho

palaTtī aur jhapaTtī hai zarā sī bad-gumānī meñ

ḳhudī ko le ga.ī itnī bulandī par zabardastī

makāñ sah-manzila banvā liyā daur-e-girānī meñ

hue do-nīm us kī Thokaroñ se kāñch ke bartan

hamesha 'aql ko rakhtī hai zid kī pāsbānī meñ

kabhī chamche kabhī kāñTe kabhī ishve kabhī Tisve

ye haiñ biivī kī shamshīreñ jihād-e-zindagānī meñ

mirī shāhīn kī parvāz ke andāz to dekho

baḌhīñ dilchaspiyāñ us kī fizā.ī mezbānī meñ

ye aisī barq hai aksar jo mere sar pe girtī hai

nahīñ hai farq is meñ aur balā-e-nā-gahānī meñ

na.e shām-o-sahar phir kis tarah se maiñ karūñ paidā

buḌhāpā mujh pe taarī ho gayā daur-e-javānī meñ

uqabi ruh jab bedar hoti hai zanani mein

aman shauhar ko phir milti nahin is dar-e-fani mein

kalam-e-hazrat-e-iqbaal ke asaraat to dekho

palaTti aur jhapaTti hai zara si bad-gumani mein

KHudi ko le gai itni bulandi par zabardasti

makan sah-manzila banwa liya daur-e-girani mein

hue do-nim us ki Thokaron se kanch ke bartan

hamesha 'aql ko rakhti hai zid ki pasbani mein

kabhi chamche kabhi kanTe kabhi ishwe kabhi Tiswe

ye hain biwi ki shamshiren jihad-e-zindagani mein

meri shahin ki parwaz ke andaz to dekho

baDhin dilchaspiyan us ki fizai mezbani mein

ye aisi barq hai aksar jo mere sar pe girti hai

nahin hai farq is mein aur bala-e-na-gahani mein

nae sham-o-sahar phir kis tarah se main karun paida

buDhapa mujh pe tari ho gaya daur-e-jawani mein