kya jaane kya likha tha unhen iztirab mein

kyā jaane kyā likhā thā unheñ iztirāb meñ

qaazī ke saath aa ga.e ḳhat ke javāb meñ

laġhzish sī ho ga.ī thī mire intiḳhāb meñ

maiñ kar sakā na farq jo gobhī gulāb meñ

gesū-ba-dosh aa.e the ik roz ḳhvāb meñ

us roz se huuñ aaj talak pech-o-tāb meñ

rahte alag to aish bhī karte alag-alag

maañ baap apne ban ga.e haDDī kabāb meñ

shāyad isī liye thā vo ġharq-e-mutāle.a

tasvīr 'padminī' kī thī chaspāñ kitāb meñ

dekhā ki mujh ko seat minister kī mil ga.ī

chhichhḌe dikhā.ī dete haiñ billī ko ḳhvāb meñ

itne se kaam ke liye kyuuñ duur jā.iye

biknī pahan ke tairiye chashm-e-pur-āb meñ

dil meñ hazār gāliyāñ detā huuñ maiñ unheñ

uThtī nahīñ zabān jo un kī janāb meñ

shāyad koī hasīn hai mahfil meñ ai 'rahīm'

halchal machī huī hai jo har shaiḳh-o-shāb meñ

kya jaane kya likha tha unhen iztirab mein

qazi ke sath aa gae KHat ke jawab mein

laghzish si ho gai thi mere intiKHab mein

main kar saka na farq jo gobhi gulab mein

gesu-ba-dosh aae the ek roz KHwab mein

us roz se hun aaj talak pech-o-tab mein

rahte alag to aish bhi karte alag-alag

man bap apne ban gae haDDi kabab mein

shayad isi liye tha wo gharq-e-mutalea

taswir 'padmini' ki thi chaspan kitab mein

dekha ki mujh ko seat minister ki mil gai

chhichhDe dikhai dete hain billi ko KHwab mein

itne se kaam ke liye kyun dur jaiye

bikni pahan ke tairiye chashm-e-pur-ab mein

dil mein hazar galiyan deta hun main unhen

uThti nahin zaban jo un ki janab mein

shayad koi hasin hai mahfil mein ai 'rahim'

halchal machi hui hai jo har shaiKH-o-shab mein