laKHt-e-jigar

raat ik teacher ke ghar laḳht-e-jigar paidā huā

vaañ bajā.e shād-kāmī shor-o-shar paidā huā

saath bar-ḳhurdār ke rotā thā us kā baap bhī

ro ke kahtā thā kahāñ o be-ḳhabar paidā huā

maiñ muḳhālif maañ muḳhālif aur hukūmat bhī ḳhilāf

dushman-e-mansūba-bandī! tū magar paidā huaa!

maiñ to paidāvār huuñ saste zamāne kī miyāñ

tū batā is daur meñ kyā soch kar paidā huā

daur-e-jamhūrī meñ bañgladesh jaanā thā tujhe

aksariyyat chhoḌ kar zālim idhar paidā huā

maañ tirī nargis jise kahte haiñ roī bhī nahīñ

tū chaman meñ kis tarah ai dīda-var paidā huā

tū mire haq meñ hai ḳhvāja-dil-mohammad kā savāl

hal na hogā umr bhar go muḳhtasar paidā huā

is daf.a bachcha samajh kar chhoḌe detā huuñ tujhe

maar Dālūñgā agar bār-e-digar paidā huā

raat ek teacher ke ghar laKHt-e-jigar paida hua

wan bajae shad-kaami shor-o-shar paida hua

sath bar-KHurdar ke rota tha us ka bap bhi

ro ke kahta tha kahan o be-KHabar paida hua

main muKHalif man muKHalif aur hukumat bhi KHilaf

dushman-e-mansuba-bandi! tu magar paida hua!

main to paidawar hun saste zamane ki miyan

tu bata is daur mein kya soch kar paida hua

daur-e-jamhuri mein bangladesh jaana tha tujhe

aksariyyat chhoD kar zalim idhar paida hua

man teri nargis jise kahte hain roi bhi nahin

tu chaman mein kis tarah ai dida-war paida hua

tu mere haq mein hai KHwaja-dil-mohammad ka sawal

hal na hoga umr bhar go muKHtasar paida hua

is dafa bachcha samajh kar chhoDe deta hun tujhe

mar Dalunga agar bar-e-digar paida hua