mujhko gharib aur qaraz-dar dekh kar

mujh ko ġharīb aur qaraz-dār dekh kar

mujh se vo duur hai mujhe be-kār dekh kar

paidal hameñ jo dekh ke katrāte the kabhī

ab lift māñgte haiñ vahī kaar dekh kar

ushshāq saare mar ga.e un ke to dekhiye

pachhtā rahe haiñ ab hameñ bīmār dekh kar

ab rahnumā.ī karne se katrā rahe haiñ sab

mash.hūr rahnā ko sar-e-dār dekh kar

kal raat us ne baajī bhī māshūq ko kahā

us ghar meñ us kī ammā ko bedār dekh kar

muflis thā jab galī meñ bhī ghusne nahīñ diyā

ab rishta de rahe haiñ vahī kaar dekh kar

jab tum hasīn the to kabhī baat tak na kī

ab ro rahe ho zof ke āsār dekh kar

niklā siñghār-ḳhāne se tū ban sañvar ke yuuñ

maiñ Dar gayā thā kal tujhe ai yaar dekh kar

achchhā hai koī to kare aapas meñ tāñk-jhāñk

kyuuñ jal rahā hai be-vaj.h tū pyaar dekh kar

'vāmiq' kabhī to ham bhī bahut hī sharīf the

bigḌā hai ye mizāj v-c-r dekh kar

mujh ko gharib aur qaraz-dar dekh kar

mujh se wo dur hai mujhe be-kar dekh kar

paidal hamein jo dekh ke katraate the kabhi

ab lift mangte hain wahi kar dekh kar

ushshaq sare mar gae un ke to dekhiye

pachhta rahe hain ab hamein bimar dekh kar

ab rahnumai karne se katra rahe hain sab

mashhur rahna ko sar-e-dar dekh kar

kal raat us ne baji bhi mashuq ko kaha

us ghar mein us ki amma ko bedar dekh kar

muflis tha jab gali mein bhi ghusne nahin diya

ab rishta de rahe hain wahi kar dekh kar

jab tum hasin the to kabhi baat tak na ki

ab ro rahe ho zof ke aasar dekh kar

nikla singhaar-KHane se tu ban sanwar ke yun

main Dar gaya tha kal tujhe ai yar dekh kar

achchha hai koi to kare aapas mein tank-jhank

kyun jal raha hai be-wajh tu pyar dekh kar

'wamiq' kabhi to hum bhi bahut hi sharif the

bigDa hai ye mizaj w-c-r dekh kar