naKHl-e-ham-saya pe jo aam hain pakte jawen

naḳhl-e-ham-sāya pe jo aam haiñ pakte jāveñ

dhīre dhīre mire āñgan meñ Tapakte jāveñ

puure sofe ko tire gher ne gherā huā hai

ham kahāñ tak tire pahlū se sarakte jāveñ

us ko gaaḌī kī suhūlat hai mayassar lekin

‘ishq-pesha to busoñ meñ hī laTakte jāveñ

TakTakī bāñdh ke duniyā tirā dīdār kare

ek ham haiñ ki jo palkeñ hī jhapakte jāveñ

ab shab-e-māh guzartī nahīñ apnī chhat par

facebōk par hī ka.ī chāñd chamakte jāveñ

kaash paḌh lete ham iz.hār-e-vafā kī Tuition

sāmne yaar ke pal pal jo aTakte jāveñ

naKHl-e-ham-saya pe jo aam hain pakte jawen

dhire dhire mere aangan mein Tapakte jawen

pure sofe ko tere gher ne ghera hua hai

hum kahan tak tere pahlu se sarakte jawen

us ko gaDi ki suhulat hai mayassar lekin

‘ishq-pesha to buson mein hi laTakte jawen

TakTaki bandh ke duniya tera didar kare

ek hum hain ki jo palken hi jhapakte jawen

ab shab-e-mah guzarti nahin apni chhat par

facebook par hi kai chand chamakte jawen

kash paDh lete hum izhaar-e-wafa ki Tuition

samne yar ke pal pal jo aTakte jawen