tab

pahle ham jaate the jab sasurāl meñ

boltā thā har koī sur-tāl meñ

de nahīñ sakte ise lafzoñ kā ruup

garm-joshī thī jo istiqbāl meñ

saas kā chehra chamak uThtā thā yuuñ

chāñd jaise jhiil ke pātāl meñ

pyaar meñ Duubī sasur kī guftugū

kitnī shīrīnī thī in aqvāl meñ

khilkhilā uThtī thiiñ saarī sāliyāñ

phurtiyāñ aatī thiiñ un kī chaal meñ

baiThne paate na the aur daf.atan

saj ke aa jaatī thī chaa.e thaal meñ

ahd-e-māzī kā vo bāb-e-tābnāk

bhuul ham sakte haiñ kaise haal meñ

ab

ab kabhī jaate haiñ jab sasurāl meñ

aur vo bhī ek baar ik saal meñ

garm-joshī sirf dikhlātī hai ab

sard-mehrī ham ko istiqbāl meñ

saas pā kar mere aane kī ḳhabar

sar chhupā kar so ga.ī hai shaal meñ

aur sasur lagtā hai yuuñ baiThā huā

sher jaise aadmī kī khaal meñ

sāliyāñ karke salām-e-sarsarī

mast ho jaatī haiñ apne haal meñ

chaa.e kā to zikr hī mat kījiye

ab to bas kaalā hai sab kuchh daal meñ

vaqt ham par ye bhī aanā thā 'munīr'

phañs ga.e haiñ ab to ik janjāl meñ

pahle hum jate the jab sasural mein

bolta tha har koi sur-tal mein

de nahin sakte ise lafzon ka rup

garm-joshi thi jo istiqbaal mein

sas ka chehra chamak uThta tha yun

chand jaise jhil ke patal mein

pyar mein Dubi sasur ki guftugu

kitni shirini thi in aqwal mein

khilkhila uThti thin sari saliyan

phurtiyan aati thin un ki chaal mein

baiThne pate na the aur dafatan

saj ke aa jati thi chae thaal mein

ahd-e-mazi ka wo bab-e-tabnak

bhul hum sakte hain kaise haal mein

ab

ab kabhi jate hain jab sasural mein

aur wo bhi ek bar ek sal mein

garm-joshi sirf dikhlati hai ab

sard-mehri hum ko istiqbaal mein

sas pa kar mere aane ki KHabar

sar chhupa kar so gai hai shaal mein

aur sasur lagta hai yun baiTha hua

sher jaise aadmi ki khaal mein

saliyan karke salam-e-sarsari

mast ho jati hain apne haal mein

chae ka to zikr hi mat kijiye

ab to bas kala hai sab kuchh dal mein

waqt hum par ye bhi aana tha 'munir'

phans gae hain ab to ek janjal mein