ab dekhen aah kya ho hum we juda hue hain

ab dekheñ aah kyā ho ham ve judā hue haiñ

be-yār-o-be-dayār-o-be-āshnā hue haiñ

ġhairat se naam us kā aaya nahīñ zabāñ par

aage ḳhudā ke jab ham mahv-e-duā hue haiñ

ahl-e-chaman se kyūñkar apnī ho rū-shanāsī

barsoñ asiir rah kar ab ham rihā hue haiñ

be-ishq-e-ḳhūb-rūyāñ apnī nahīñ guzartī

ai vaa.e kis balā meñ ham mubtalā hue haiñ

jaanā ki tan meñ har jā nāzuk hai aur dilkash

ham rafta-e-sarāpā us ke bajā hue haiñ

the ġhunche jitne zer-e-dīvār-e-bāġh taa.ir

shab-bāshī-e-chaman se shāyad ḳhafā hue haiñ

sarfa qamīs kā hai kyā vaqr us galī meñ

tark-e-libās kar vaañ shāhāñ gadā hue haiñ

ḳhāmosh us ke dar par ho kar faqīr baiThe

ya.anī ki āshiqī meñ ham be-navā hue haiñ

ahd-e-shabāb guzrā shurb-e-mudām hī meñ

ham kohna-sāl ho kar ab pārsā hue haiñ

iz.hār-e-kam-farāġhī har-dam kī be-dimāġhī

in rozoñ 'mīr' sāhab kuchh mīrzā hue haiñ

ab dekhen aah kya ho hum we juda hue hain

be-yar-o-be-dayar-o-be-ashna hue hain

ghairat se nam us ka aaya nahin zaban par

aage KHuda ke jab hum mahw-e-dua hue hain

ahl-e-chaman se kyunkar apni ho ru-shanasi

barson asir rah kar ab hum riha hue hain

be-ishq-e-KHub-ruyan apni nahin guzarti

ai wae kis bala mein hum mubtala hue hain

jaana ki tan mein har ja nazuk hai aur dilkash

hum rafta-e-sarapa us ke baja hue hain

the ghunche jitne zer-e-diwar-e-bagh tair

shab-bashi-e-chaman se shayad KHafa hue hain

sarfa qamis ka hai kya waqr us gali mein

tark-e-libas kar wan shahan gada hue hain

KHamosh us ke dar par ho kar faqir baiThe

yani ki aashiqi mein hum be-nawa hue hain

ahd-e-shabab guzra shurb-e-mudam hi mein

hum kohna-sal ho kar ab parsa hue hain

izhaar-e-kam-faraghi har-dam ki be-dimaghi

in rozon 'mir' sahab kuchh mirza hue hain