azizo kaun si surat hai zahir uske aane ki

azīzo kaun sī sūrat hai zāhir us ke aane kī

qasam khaa.ī ho jis ne ḳhvāb meñ bhī muñh dikhāne kī

tag un palkoñ ko hai Thokar se fitne ke jagāne kī

tarah aatī hai us qad ko qayāmat sar pe laane kī

kisū se aañkh ke milte hī apnī jaan de baiThe

na.ī ye rasm ham jaate haiñ chhoḌe dil lagāne kī

jahāñ ham aa.e chehre par bikhere baal jā so.e

adā karte ho tum kyā ḳhuub ham se muñh chhupāne kī

maseñ bhīgī haiñ us ke sabza-e-ḳhat kī badāyat se

masīh-o-ḳhizr ko pahuñchī bashārat zahr khāne kī

jahāñ us ke liye ġhirbāl kar naumīd ho baiThe

yahī ujrat milī hai kyā hamārī ḳhaak chhāne kī

kahūñ kyā ek bosa lab kā de kar ḳhuub ragḌāyā

rakhī barsoñ talak minnat kabhū kī baat maane kī

bagūlā koī uThtā hai ki āñdhī koī aatī hai

nishān-e-yādgārī hai hamārī ḳhaak uḌāne kī

kare hai daaġh us kā eid ko sab se gale milnā

ukat lī hai na.ī ye merī chhātī ke jalāne kī

laḌā kar āñkheñ us aubāsh se ik pal meñ mar guzrā

hikāyat bul-ajab hai 'mīr' jī ke maare jaane kī

azizo kaun si surat hai zahir us ke aane ki

qasam khai ho jis ne KHwab mein bhi munh dikhane ki

tag un palkon ko hai Thokar se fitne ke jagane ki

tarah aati hai us qad ko qayamat sar pe lane ki

kisu se aankh ke milte hi apni jaan de baiThe

nai ye rasm hum jate hain chhoDe dil lagane ki

jahan hum aae chehre par bikhere baal ja soe

ada karte ho tum kya KHub hum se munh chhupane ki

masen bhigi hain us ke sabza-e-KHat ki badayat se

masih-o-KHizr ko pahunchi bashaarat zahr khane ki

jahan us ke liye ghirbaal kar naumid ho baiThe

yahi ujrat mili hai kya hamari KHak chhane ki

kahun kya ek bosa lab ka de kar KHub ragDaya

rakhi barson talak minnat kabhu ki baat mane ki

bagula koi uThta hai ki aandhi koi aati hai

nishan-e-yaadgari hai hamari KHak uDane ki

kare hai dagh us ka eid ko sab se gale milna

ukat li hai nai ye meri chhati ke jalane ki

laDa kar aankhen us aubash se ek pal mein mar guzra

hikayat bul-ajab hai 'mir' ji ke mare jaane ki