bahaar aai nikalo mat mujhe ab ke gulistan se
bahār aa.ī nikālo mat mujhe ab ke gulistāñ se
mirā dāman bane to bāñdh do gul ke garebāñ se
na Tuk vāshud huī dil ko na jī kī laag kuchh paa.ī
rahe das din jo apnī umr ke yaañ ham so mehmāñ se
ġham-e-hijrāñ ne shāyad aag dī us maah bin dil ko
sharāre tab to nikle haiñ hamārī chashm-e-giryāñ se
sabab āshufta-tab.ī kā hamārī rahte haiñ donoñ
na dil-jam.ī hai us ke ḳhat se nai zulf-e-pareshāñ se
udhar zanjīr ke ġhul haiñ idhar hangāme laḌkoñ ke
junūñ is dasht meñ ham ne kiyā hai kaise sāmāñ se
mohabbat meñ kisū kī ranj-o-mehnat se ga.e donoñ
rahī sharmindagī hī umr bhar mujh ko dil-o-jāñ se
ḳhudā jaane ki dil kis ḳhāna-ābāñ ko de baiThe
khaḌe the 'mīr' sāhib ghar ke darvāze pe hairāñ se
bahaar aai nikalo mat mujhe ab ke gulistan se
mera daman bane to bandh do gul ke gareban se
na Tuk washud hui dil ko na ji ki lag kuchh pai
rahe das din jo apni umr ke yan hum so mehman se
gham-e-hijran ne shayad aag di us mah bin dil ko
sharare tab to nikle hain hamari chashm-e-giryan se
sabab aashufta-tabi ka hamari rahte hain donon
na dil-jami hai us ke KHat se nai zulf-e-pareshan se
udhar zanjir ke ghul hain idhar hangame laDkon ke
junun is dasht mein hum ne kiya hai kaise saman se
mohabbat mein kisu ki ranj-o-mehnat se gae donon
rahi sharmindagi hi umr bhar mujh ko dil-o-jaan se
KHuda jaane ki dil kis KHana-aban ko de baiThe
khaDe the 'mir' sahib ghar ke darwaze pe hairan se
- Book : MIRIYAAT - Diwan No- 3, Ghazal No- 1274
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.