bura kya maniye ab chheD se ya uski gali se
burā kyā māniye ab chheḌ se yā us kī gaalī se
yahī hai taur us kā saath apne ḳhurd-sālī se
kalī be-rang murjhā.ī nazar aatī hai zāhir hai
hamārī be-kalī gulhā-e-tasvīr-e-nihalī se
bharī āñkheñ kisū kī poñchhte jo āstīñ rakhte
huī sharmindagī kyā kyā hameñ is dast-e-ḳhālī se
jo mar rahiye bhī tang aa kar to parvā kuchh na ho us ko
paḌā hai kaam mujh nākām ko kis lā-ubālī se
jahāñ rone lage Tuk be-dimāġhī vo lagā karne
qayāmat zid hai us ko āshiqī kī zār-nālī se
dimāġh-e-harf la.al-e-nāb-o-barg-e-gul se hai tum ko
hameñ jab guftugū hai tab kisū ke lab kī laalī se
riyāzāt-e-mohabbat ne rakhā hai ham meñ kyā baaqī
numūd ik karte haiñ ham yūñhī ab shakl-e-misālī se
ham is rāh-e-havādis meñ ba-sān-e-sabza vaaq.e haiñ
ki fursat sar uThāne kī nahīñ Tuk pā.emālī se
sirhāne rakh ke patthar ḳhaak par ham be-navā so.e
paḌe sar māreñ tāl’e-mañd apnā sang-e-qālī se
kabhū maiñ ain rone meñ jigar se aah kartā huuñ
ki dil uTh jaa.eñ yāroñ ke havā-e-barshgālī se
yahī ġham us dahan kā hai ki fikr us kī kamar kī hai
kahe so kyā koī haiñ 'mīr' sāhib kuchh ḳhayālī se
bura kya maniye ab chheD se ya us ki gali se
yahi hai taur us ka sath apne KHurd-sali se
kali be-rang murjhai nazar aati hai zahir hai
hamari be-kali gulha-e-taswir-e-nihali se
bhari aankhen kisu ki ponchhte jo aastin rakhte
hui sharmindagi kya kya hamein is dast-e-KHali se
jo mar rahiye bhi tang aa kar to parwa kuchh na ho us ko
paDa hai kaam mujh nakaam ko kis la-ubaali se
jahan rone lage Tuk be-dimaghi wo laga karne
qayamat zid hai us ko aashiqi ki zar-nali se
dimagh-e-harf lal-e-nab-o-barg-e-gul se hai tum ko
hamein jab guftugu hai tab kisu ke lab ki lali se
riyazat-e-mohabbat ne rakha hai hum mein kya baqi
numud ek karte hain hum yunhi ab shakl-e-misali se
hum is rah-e-hawadis mein ba-san-e-sabza waqe hain
ki fursat sar uThane ki nahin Tuk paemali se
sirhane rakh ke patthar KHak par hum be-nawa soe
paDe sar maren tal’e-mand apna sang-e-qali se
kabhu main ain rone mein jigar se aah karta hun
ki dil uTh jaen yaron ke hawa-e-barshgali se
yahi gham us dahan ka hai ki fikr us ki kamar ki hai
kahe so kya koi hain 'mir' sahib kuchh KHayali se
- Book : MIRIYAAT - Diwan No- 2, Ghazal No- 0983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.