gul ki jafa bhi jaani dekhi wafa-e-bulbul

gul kī jafā bhī jaanī dekhī vafā-e-bulbul

yak-musht par paḌe haiñ gulshan meñ jā-e-bulbul

kar sair jazb-e-ulfat gul-chīñ ne kal chaman meñ

toḌā thā shāḳh-e-gul ko niklī sadā-e-bulbul

khaTke haiñ ḳhaar ho kar har shab dil-e-chaman meñ

itne lab-o-dahan par ye nāla-hā-e-bulbul

yak-rañgiyoñ kī rāheñ tai kar ke mar gayā hai

gul meñ rageñ nahīñ ye haiñ naqsh-pā-e-bulbul

aa.ī bahār-o-gulshan gul se bharā hai lekin

har gosha-e-chaman meñ ḳhālī hai jā-e-bulbul

paiġhām be-ġharaz bhī sunte nahīñ haiñ ḳhūbāñ

pahuñchī na gosh-e-gul tak āḳhir duā-e-bulbul

ye dil-ḳharāsh naale har shab ke 'mīr' tere

kar deñge be-namak hī shor-e-navā-e-bulbul

gul ki jafa bhi jaani dekhi wafa-e-bulbul

yak-musht par paDe hain gulshan mein ja-e-bulbul

kar sair jazb-e-ulfat gul-chin ne kal chaman mein

toDa tha shaKH-e-gul ko nikli sada-e-bulbul

khaTke hain KHar ho kar har shab dil-e-chaman mein

itne lab-o-dahan par ye nala-ha-e-bulbul

yak-rangiyon ki rahen tai kar ke mar gaya hai

gul mein ragen nahin ye hain naqsh-pa-e-bulbul

aai bahaar-o-gulshan gul se bhara hai lekin

har gosha-e-chaman mein KHali hai ja-e-bulbul

paigham be-gharaz bhi sunte nahin hain KHuban

pahunchi na gosh-e-gul tak aaKHir dua-e-bulbul

ye dil-KHarash nale har shab ke 'mir' tere

kar denge be-namak hi shor-e-nawa-e-bulbul