hae sitam na-chaar maishat karni paDi har Khaar ke sath
![Meer Taqi Meer Meer Taqi Meer](https://rekhta.pc.cdn.bitgravity.com/Images/Shayar/round/meer-taqi-meer.png)
hae sitam na-chaar maishat karni paDi har Khaar ke sath
Meer Taqi Meer
MORE BYMeer Taqi Meer
haa.e sitam nā-chār ma.īshat karnī paḌī har ḳhaar ke saath
jān-e-azīz ga.ī hotī kaash ab ke sāl-e-bahār ke saath
kis āvāra-e-ishq-o-junūñ kī ik muTThī ab ḳhaak uḌī
uḌtī phire hai pas-e-mahmil jo raah ke gard-o-ġhubār ke saath
vo lahza nahīñ jaatā jī se aañkh laḌī thī jab us se
chaah nikaltī thī bātoñ se chitvan bhī thī pyaar ke saath
jī maare shab-e-mah meñ hamāre qahr kiyā mashshāta ne
bal khaa.e bāloñ ko diye bal us ke gale ke haar ke saath
kyā din the jo ham ko tanhā kahīñ kahīñ mil jaatā thā
ab to lage hī rahte haiñ aġhyār hamāre yaar ke saath
ham haiñ marīz-e-ishq-o-junūñ saḳhtī se dil ko mat toḌo
narm kare haiñ harf-o-hikāyat ahl-e-ḳhirad bīmār ke saath
dīda-e-tar se chashma-e-joshāñ haiñ jo qarīb apne vaaq.e
to hī ruud chale jaate haiñ lag kar jeb-o-kanār ke saath
der se haiñ bīmār-e-mohabbat ham se qata-e-ummīd karo
jāneñ hī jaatī dekhī haiñ ham ne āḳhir is āzār ke saath
rone se sab sar-bar aa.e ḳhaak hamāre sar par 'mīr'
muddat meñ ham Tuk lag baiThe the us kī dīvār ke saath
hae sitam na-chaar maishat karni paDi har KHar ke sath
jaan-e-aziz gai hoti kash ab ke sal-e-bahaar ke sath
kis aawara-e-ishq-o-junun ki ek muTThi ab KHak uDi
uDti phire hai pas-e-mahmil jo rah ke gard-o-ghubar ke sath
wo lahza nahin jata ji se aankh laDi thi jab us se
chah nikalti thi baaton se chitwan bhi thi pyar ke sath
ji mare shab-e-mah mein hamare qahr kiya mashshata ne
bal khae baalon ko diye bal us ke gale ke haar ke sath
kya din the jo hum ko tanha kahin kahin mil jata tha
ab to lage hi rahte hain aghyar hamare yar ke sath
hum hain mariz-e-ishq-o-junun saKHti se dil ko mat toDo
narm kare hain harf-o-hikayat ahl-e-KHirad bimar ke sath
dida-e-tar se chashma-e-joshan hain jo qarib apne waqe
to hi rud chale jate hain lag kar jeb-o-kanar ke sath
der se hain bimar-e-mohabbat hum se qata-e-ummid karo
jaanen hi jati dekhi hain hum ne aaKHir is aazar ke sath
rone se sab sar-bar aae KHak hamare sar par 'mir'
muddat mein hum Tuk lag baiThe the us ki diwar ke sath
- Book : MIRIYAAT - Diwan No- 5, Ghazal No- 1718
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.