ishq ko bich mein ya-rab tu na laya hota
ishq ko biich meñ yā-rab tū na laayā hotā
yā tan-e-ādmī meñ dil na banāyā hotā
dil na thā aisī jagah jis kī na sudh liije kabhū
ujḌī is bastī ko phir tū ne basāyā hotā
izzat islām kī kuchh rakh lī ḳhudā ne varna
zulf ne terī to zunnār bañdhāyā hotā
ghar ke aage se tire na.ash ga.ī āshiq kī
apne darvāze talak tū bhī to aaya hotā
jo hai so be-ḳhud-e-raftār hai terā ai shoḳh
is ravish se na qadam tū ne uThāyā hotā
ab to sad-chand sitam karne lage tum ai kaash
ishq apnā na tumheñ maiñ ne jatāyā hotā
dil se ḳhush-tarah makāñ phir bhī kahīñ bante haiñ
is imārat ko Tuk ik dekh ke Dhāyā hotā
dil pe rakhtā huuñ kabhū sar se kabhū mārūñ huuñ
haath paañv ko na maiñ tere lagāyā hotā
kam-kam uThtā vo naqāb aah ki tāqat rahtī
kaash yakbār hameñ muñh na dikhāyā hotā
'mīr' iz.hār-e-mohabbat meñ gayā jī na tirā
haa.e nādān bahut tū ne chhupāyā hotā
ishq ko bich mein ya-rab tu na laya hota
ya tan-e-admi mein dil na banaya hota
dil na tha aisi jagah jis ki na sudh lije kabhu
ujDi is basti ko phir tu ne basaya hota
izzat islam ki kuchh rakh li KHuda ne warna
zulf ne teri to zunnar bandhaya hota
ghar ke aage se tere nash gai aashiq ki
apne darwaze talak tu bhi to aaya hota
jo hai so be-KHud-e-raftar hai tera ai shoKH
is rawish se na qadam tu ne uThaya hota
ab to sad-chand sitam karne lage tum ai kash
ishq apna na tumhein main ne jataya hota
dil se KHush-tarah makan phir bhi kahin bante hain
is imarat ko Tuk ek dekh ke Dhaya hota
dil pe rakhta hun kabhu sar se kabhu marun hun
hath panw ko na main tere lagaya hota
kam-kam uThta wo naqab aah ki taqat rahti
kash yakbar hamein munh na dikhaya hota
'mir' izhaar-e-mohabbat mein gaya ji na tera
hae nadan bahut tu ne chhupaya hota
- Book : MIRIYAAT - Diwan No- 2, Ghazal No- 0719
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.