jaen to jaen kahan jo ghar rahen kya ghar rahen
jaa.eñ to jaa.eñ kahāñ jo ghar raheñ kyā ghar raheñ
yaar bin lagtā nahīñ jī kāshke ham mar raheñ
dil jo uktātā hai yā-rab rah nahīñ sakte kahīñ
kyā kareñ jāveñ kahāñ ghar meñ raheñ bāhar raheñ
vo nahīñ jo teġh se us kī galā kaTvā.iye
tang aa.e haiñ bahut ab aaphī jo ho kar raheñ
be-dimāġhī be-qarārī be-kasī be-tāqatī
kyā jiye vo jis ke jī ko rog ye aksar raheñ
muztarib ho ek do dam to tadāruk bhī ho kuchh
muttasil taḌpe hai kab tak haath le dil par raheñ
zindagī dūbhar huī hai 'mīr' āḳhir tā-kujā
dil jigar jalte raheñ āñkheñ hamārī tar raheñ
jaen to jaen kahan jo ghar rahen kya ghar rahen
yar bin lagta nahin ji kashke hum mar rahen
dil jo uktata hai ya-rab rah nahin sakte kahin
kya karen jawen kahan ghar mein rahen bahar rahen
wo nahin jo tegh se us ki gala kaTwaiye
tang aae hain bahut ab aaphi jo ho kar rahen
be-dimaghi be-qarari be-kasi be-taqati
kya jiye wo jis ke ji ko rog ye aksar rahen
muztarib ho ek do dam to tadaruk bhi ho kuchh
muttasil taDpe hai kab tak hath le dil par rahen
zindagi dubhar hui hai 'mir' aaKHir ta-kuja
dil jigar jalte rahen aankhen hamari tar rahen
- Book : MIRIYAAT - Diwan No- 3, Ghazal No- 1179
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
