kal josh-e-gham mein aansu Tapke na chashm-e-tar se

kal josh-e-ġham meñ aañsū Tapke na chashm-e-tar se

afsos hai ki aakar yuuñ miiñh Tuk na barse

kyā hai numūd-e-mardum jo kahiye dekhiyo tum

mizhgāñ baham zadan meñ jaatī rahī nazar se

ham sā shikasta-ḳhātir is bastī meñ na hogā

barse hai ishq apne dīvār aur dar se

ma.alūm aglī sī to jur.at alam-kashī meñ

kyā kaam niklegā ab TukḌe hue jigar se

ā.īna-dār usī ke paate haiñ shash-jihat ko

dekheñ to muñh dikhāve vo kām-e-jāñ kidhar se

mat ranj khīñch mil kar hushiyār mardumāñ se

us kī ḳhabar milegī ik aadh be-ḳhabar se

jab gosh-zad ho us ke tab be-dimāġh ho vo

bas ho chukī tavaqqo ab nāla-e-sahar se

ai rashk-e-mah kabhū tū aa chāñd sā nikal kar

muñh dekhne ko terā tā-chand koī tarse

chāhat burī balā hai kal 'mīr'-e-nāla-kash bhī

ham-rāh-e-nai-savārāñ dauḌe phire nafar se

kal josh-e-gham mein aansu Tapke na chashm-e-tar se

afsos hai ki aakar yun minh Tuk na barse

kya hai numud-e-mardum jo kahiye dekhiyo tum

mizhgan baham zadan mein jati rahi nazar se

hum sa shikasta-KHatir is basti mein na hoga

barse hai ishq apne diwar aur dar se

malum agli si to jurat alam-kashi mein

kya kaam niklega ab TukDe hue jigar se

aaina-dar usi ke pate hain shash-jihat ko

dekhen to munh dikhawe wo kaam-e-jaan kidhar se

mat ranj khinch mil kar hushiyar marduman se

us ki KHabar milegi ek aadh be-KHabar se

jab gosh-zad ho us ke tab be-dimagh ho wo

bas ho chuki tawaqqo ab nala-e-sahar se

ai rashk-e-mah kabhu tu aa chand sa nikal kar

munh dekhne ko tera ta-chand koi tarse

chahat buri bala hai kal 'mir'-e-nala-kash bhi

ham-rah-e-nai-sawaran dauDe phire nafar se