kis kane jaun ilahi kya dawa paida karun
kis kane jā.ūñ ilāhī kyā davā paidā karūñ
dil to kuchh dhañskā hī jaatā hai karūñ so kyā karūñ
lohū rotā huuñ maiñ har ik harf-e-ḳhat par ham-damāñ
aur ab rangīn jaisā tum kaho inshā karūñ
chaal apnī chhoḌtā hargiz nahīñ vo ḳhush-ḳhirām
shor se kab tak qayāmat ek maiñ barpā karūñ
maslahat hai merī ḳhāmoshī hī meñ ai ham-nafas
lohū Tapke baat se jo hoñT apne vā karūñ
dil pareshānī mujhe de hai bikhere gul ke rang
aap ko juuñ ġhuncha kyūñkar aah maiñ yakjā karūñ
ek chashmak hī chalī jaatī hai gul kī merī or
ya.anī bāzār-e-junūñ meñ jā.ūñ kuchh saudā karūñ
ḳhvār to āḳhir kiyā hai galiyoñ meñ tū ne mujhe
to sahī ai ishq jo tujh ko bhī maiñ rusvā karūñ
ḳhaak uḌātā ashk-afshāñ aan niklūñ maiñ to phir
dasht ko dariyā karūñ bastī ke tiiñ sahrā karūñ
ka.abe jaane se nahīñ kuchh shaiḳh mujh ko itnā shauq
chaal vo batlā ki maiñ dil meñ kisū ke jā karūñ
ab ke himmat sarf kar jo us se jī uchTe mirā
phir duā ai 'mīr' mat kariyo agar aisā karūñ
kis kane jaun ilahi kya dawa paida karun
dil to kuchh dhanska hi jata hai karun so kya karun
lohu rota hun main har ek harf-e-KHat par ham-daman
aur ab rangin jaisa tum kaho insha karun
chaal apni chhoDta hargiz nahin wo KHush-KHiram
shor se kab tak qayamat ek main barpa karun
maslahat hai meri KHamoshi hi mein ai ham-nafas
lohu Tapke baat se jo honT apne wa karun
dil pareshani mujhe de hai bikhere gul ke rang
aap ko jun ghuncha kyunkar aah main yakja karun
ek chashmak hi chali jati hai gul ki meri or
yani bazar-e-junun mein jaun kuchh sauda karun
KHwar to aaKHir kiya hai galiyon mein tu ne mujhe
to sahi ai ishq jo tujh ko bhi main ruswa karun
KHak uData ashk-afshan aan niklun main to phir
dasht ko dariya karun basti ke tin sahra karun
kabe jaane se nahin kuchh shaiKH mujh ko itna shauq
chaal wo batla ki main dil mein kisu ke ja karun
ab ke himmat sarf kar jo us se ji uchTe mera
phir dua ai 'mir' mat kariyo agar aisa karun
- Book : MIRIYAAT - Diwan No- 2, Ghazal No- 0877
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.