mara zamin mein gaDa tab isko sabr aaya

maarā zamīñ meñ gaaḌā tab is ko sabr aaya

is dil ne ham ko āḳhir yuuñ ḳhaak meñ milāyā

us gul-zamīñ se ab tak ugte haiñ sarv-e-mā.il

mastī meñ jhukte jis par terā paḌā hai saayā

yaksāñ hai qatl-gah aur us kī galī to mujh ko

vaañ ḳhaak meñ maiñ loTā yaañ lohū meñ nahāyā

puuje se aur patthar hote haiñ ye sanam to

ab kis tarah itā.at in kī karūñ ḳhudāyā

tā-charḳh naala pahuñchā lekin asar na dekhā

karne se ab duā ke maiñ haath hī uThāyā

terā hī muñh take hai kyā jāniye ki nau-ḳhat

kyā bāġh-e-sabz tū ne ā.īne ko dikhāyā

shādābī-o-latāfat hargiz huī na is meñ

terī masoñ pe garche sabze ne zahr khāyā

āḳhir ko mar ga.e haiñ us kī hī justujū meñ

jī ke ta.iiñ bhī khoyā lekin use na paayā

lagtī nahīñ hai daarū haiñ sab tabīb hairāñ

ik rog maiñ basāhā jī ko kahāñ lagāyā

kah hech us ke muñh ko jī meñ Darā yahāñ tū

baare vo shoḳh apnī ḳhātir meñ kuchh na laayā

honā thā majlis-ārā gar ġhair kā tujhe to

mānind-e-sham.a mujh ko kaahe ke tiiñ jalāyā

thī ye kahāñ kī yaarī ā.īna-rū ki tū ne

dekhā jo 'mīr' ko to be-hech muñh banāyā

mara zamin mein gaDa tab is ko sabr aaya

is dil ne hum ko aaKHir yun KHak mein milaya

us gul-zamin se ab tak ugte hain sarw-e-mail

masti mein jhukte jis par tera paDa hai saya

yaksan hai qatl-gah aur us ki gali to mujh ko

wan KHak mein main loTa yan lohu mein nahaya

puje se aur patthar hote hain ye sanam to

ab kis tarah itaat in ki karun KHudaya

ta-charKH nala pahuncha lekin asar na dekha

karne se ab dua ke main hath hi uThaya

tera hi munh take hai kya jaaniye ki nau-KHat

kya bagh-e-sabz tu ne aaine ko dikhaya

shadabi-o-latafat hargiz hui na is mein

teri mason pe garche sabze ne zahr khaya

aaKHir ko mar gae hain us ki hi justuju mein

ji ke tain bhi khoya lekin use na paya

lagti nahin hai daru hain sab tabib hairan

ek rog main basaha ji ko kahan lagaya

kah hech us ke munh ko ji mein Dara yahan tu

bare wo shoKH apni KHatir mein kuchh na laya

hona tha majlis-ara gar ghair ka tujhe to

manind-e-shama mujh ko kahe ke tin jalaya

thi ye kahan ki yari aaina-ru ki tu ne

dekha jo 'mir' ko to be-hech munh banaya