mera dil pir-o-murshid hai mujhe hai etiqad us se

mirā dil pīr-o-murshid hai mujhe hai e'tiqād us se

farāmosh aap ko karnā mohabbat meñ hai yaad us se

balā andāz hai us kā qayāmat naaz hai us kā

uThe fitne hazār us se hue lākhoñ fasād us se

nazākat jaisī hai vaisā hī dil bhī saḳht hai us kā

agarche shīsha-e-jāñ hai pe behtar hai jamād us se

kase haiñ band un ne kaise kis darvesh se miliye

jo aise saḳht uqdoñ kī talab kariye kushād us se

bhalā yuuñ ghuT ke mariye kab talak dil ḳhuuñ huā saarā

jo koī dād-gar hove to kariye jā ke daad us se

lage hī ek do rahte haiñ mohlat baat kī kaisī

huā hai dushmanoñ ko kuchh qayāmat ittihād us se

pahuñch kar tah ko ham to mahz mahrūmī hī paate haiñ

murād-e-dil ko pahuñchā hogā koī nā-murād us se

liye hī myaan se rahtā hai koī ye nahīñ kahtā

nikālā hai kahāñ kā tū ne ai zālim ‘inād us se

idhar tauba kare hai 'mīr' udhar lagtā hai mai piine

kahāñ tak ab to apnā uTh gayā hai e'timād us se

mera dil pir-o-murshid hai mujhe hai e'tiqad us se

faramosh aap ko karna mohabbat mein hai yaad us se

bala andaz hai us ka qayamat naz hai us ka

uThe fitne hazar us se hue lakhon fasad us se

nazakat jaisi hai waisa hi dil bhi saKHt hai us ka

agarche shisha-e-jaan hai pe behtar hai jamad us se

kase hain band un ne kaise kis darwesh se miliye

jo aise saKHt uqdon ki talab kariye kushad us se

bhala yun ghuT ke mariye kab talak dil KHun hua sara

jo koi dad-gar howe to kariye ja ke dad us se

lage hi ek do rahte hain mohlat baat ki kaisi

hua hai dushmanon ko kuchh qayamat ittihad us se

pahunch kar tah ko hum to mahz mahrumi hi pate hain

murad-e-dil ko pahuncha hoga koi na-murad us se

liye hi myan se rahta hai koi ye nahin kahta

nikala hai kahan ka tu ne ai zalim ‘inad us se

idhar tauba kare hai 'mir' udhar lagta hai mai pine

kahan tak ab to apna uTh gaya hai e'timad us se