Tuk naqab ulTo mat itab karo

Tuk naqāb ulTo mat itaab karo

kholo muñh ko ki phir ḳhitāb karo

āñkheñ ġhusse meñ ho ga.ī haiñ laal

sar ko chhātī pe rakh ke ḳhvāb karo

fursat-e-būd-o-bāsh yaañ kam hai

kaam jo kuchh karo shitāb karo

mahv-e-sūrat na aarsī meñ raho

ahl-e-ma.anī se Tuk hijāb karo

jhuuT us kā nishāñ na do yaaro

ham ḳharāboñ ko mat ḳharāb karo

muñh khule us ke chāñdnī chhiTkī

dosto sair-e-māhtāb karo

'mīr' jī rāz-e-ishq hogā faash

chashm har lahza mat pur-āb karo

Tuk naqab ulTo mat itab karo

kholo munh ko ki phir KHitab karo

aankhen ghusse mein ho gai hain lal

sar ko chhati pe rakh ke KHwab karo

fursat-e-bud-o-bash yan kam hai

kaam jo kuchh karo shitab karo

mahw-e-surat na aarsi mein raho

ahl-e-mani se Tuk hijab karo

jhuT us ka nishan na do yaro

hum KHarabon ko mat KHarab karo

munh khule us ke chandni chhiTki

dosto sair-e-mahtab karo

'mir' ji raaz-e-ishq hoga fash

chashm har lahza mat pur-ab karo