zamin par main jo phenka KHat ko kar band

zamīñ par maiñ jo pheñkā ḳhat ko kar band

bahut taḌpā kiyā juuñ murġh-e-par-band

giraft-e-dil se nā-chārī hai ya.anī

rahā huuñ baiTh maiñ bhī kar ke ghar band

phañsā dil zulf-o-kākul meñ na pūchho

paḌā hai nāgah aakar band par band

sab us kī chashm-e-pur-nairang ke mahv

magar kī un ne aalam kī nazar band

chaman meñ kyūñke ham par-basta jāveñ

buland az-bas-ki hai dīvār o dar band

bahut paikān-e-tīr-e-yār TuuTe

tamām aahan hai ab merā jigar-band

huiiñ rone kī maan.e merī palkeñ

bañdhā ḳhāshāk se sailāb par band

kahā kyā jaa.e un hoñToñ ke aage

hamārī lab-gazī hai ye shakar-band

khule bandoñ na aayā yaañ vo aubāsh

phirā moñDhe pe Daale beshtar band

yahī auqāt haigī diid kī yaañ

rakh apnī chashm ko shām-o-sahar band

nuchā rahtā thā chehra jis se so ab

garebāñ meñ hai vo dast-e-hunar band

fan-e-ash.ār meñ huuñ pahlvāñ 'mīr'

mujhe hai yaad is kushtī kā har band

zamin par main jo phenka KHat ko kar band

bahut taDpa kiya jun murgh-e-par-band

giraft-e-dil se na-chaari hai yani

raha hun baiTh main bhi kar ke ghar band

phansa dil zulf-o-kakul mein na puchho

paDa hai nagah aakar band par band

sab us ki chashm-e-pur-nairang ke mahw

magar ki un ne aalam ki nazar band

chaman mein kyunke hum par-basta jawen

buland az-bas-ki hai diwar o dar band

bahut paikan-e-tir-e-yar TuTe

tamam aahan hai ab mera jigar-band

huin rone ki mane meri palken

bandha KHashak se sailab par band

kaha kya jae un honTon ke aage

hamari lab-gazi hai ye shakar-band

khule bandon na aaya yan wo aubash

phira monDhe pe Dale beshtar band

yahi auqat haigi did ki yan

rakh apni chashm ko sham-o-sahar band

nucha rahta tha chehra jis se so ab

gareban mein hai wo dast-e-hunar band

fan-e-ashaar mein hun pahlwan 'mir'

mujhe hai yaad is kushti ka har band