aansu meri aankhon mein nahin aae hue hain

aañsū mirī āñkhoñ meñ nahīñ aa.e hue haiñ

dariyā tirī rahmat ke ye lahrā.e hue haiñ

allah rī hayā hashr meñ allāh ke aage

ham sab ke gunāhoñ pe vo sharmā.e hue haiñ

maiñ ne chaman-e-ḳhuld ke phūloñ ko bhī dekhā

sab aage tire chehre ke murjhā.e hue haiñ

bhātā nahīñ koī nazar aatā nahīñ koī

dil meñ vahī āñkhoñ meñ vahī chhā.e hue haiñ

raushan hue dil partav-e-ruḳhsār-e-nabī se

ye zarre usī mehr ke chamkā.e hue haiñ

shāhoñ se dabeñ kyā jo gadā haiñ tire dar ke

ye ai shāh-e-ḳhūbāñ tirī shah paa.e hue haiñ

aa.e haiñ jo vo be-ḳhudī-e-shauq ko sun kar

is vaqt 'amīr' aap meñ ham aa.e hue haiñ

aansu meri aankhon mein nahin aae hue hain

dariya teri rahmat ke ye lahrae hue hain

allah ri haya hashr mein allah ke aage

hum sab ke gunahon pe wo sharmae hue hain

main ne chaman-e-KHuld ke phulon ko bhi dekha

sab aage tere chehre ke murjhae hue hain

bhata nahin koi nazar aata nahin koi

dil mein wahi aankhon mein wahi chhae hue hain

raushan hue dil partaw-e-ruKHsar-e-nabi se

ye zarre usi mehr ke chamkae hue hain

shahon se daben kya jo gada hain tere dar ke

ye ai shah-e-KHuban teri shah pae hue hain

aae hain jo wo be-KHudi-e-shauq ko sun kar

is waqt 'amir' aap mein hum aae hue hain