bilal-o-bu-zar-o-salman ke aaqa idhar bhi

bilāl-o-būzar-o-salmān ke aaqā idhar bhī

badal jaatī hai jis se dil kī duniyā-o-nazar bhī

maiñ bismillāh likh ke jab bhī likhtā huuñ mohammad

qalam qirtās par aate haiñ jhuk jaatā hai sar bhī

haram se masjid-ul-aqsā udhar sidra se aage

musāfir bhī 'ajab thā aur 'ajab thī rah-guzar bhī

mohammad ke ḳhudā jab bhī kabhī mushkil kā vaqt aa.e

du'ā ko haath uTTheñ aur du'ā meñ ho asar bhī

ba-haqq-e-kafsh-bardārān-e-darbār-e-risālat

sanā-ḳhvānoñ meñ shāmil ho gayā ik be-hunar bhī

maiñ pahle bhī musharraf ho chukā huuñ hāzirī se

ḳhudā chāhe to ye ne'mat mile bār-e-digar bhī

bilal-o-buzar-o-salman ke aaqa idhar bhi

badal jati hai jis se dil ki duniya-o-nazar bhi

main bismillah likh ke jab bhi likhta hun mohammad

qalam qirtas par aate hain jhuk jata hai sar bhi

haram se masjid-ul-aqsa udhar sidra se aage

musafir bhi 'ajab tha aur 'ajab thi rah-guzar bhi

mohammad ke KHuda jab bhi kabhi mushkil ka waqt aae

du'a ko hath uTThen aur du'a mein ho asar bhi

ba-haqq-e-kafsh-bardaran-e-darbar-e-risalat

sana-KHwanon mein shamil ho gaya ek be-hunar bhi

main pahle bhi musharraf ho chuka hun haziri se

KHuda chahe to ye ne'mat mile bar-e-digar bhi