dil mein ulfat rakhe nabi ke liye

dil meñ ulfat rakhe nabī ke liye

ye hī behtar hai aadmī ke liye

jitnī un ke liye hai is dil meñ

utnī chāhat nahīñ kisī ke liye

maulā baḳhshegā saarī ummat ko

apne mahbūb kī ḳhushī ke liye

jis meñ pyāre nabī kā rauza hai

dil hai betāb us galī ke liye

ek duniyā hī pe nahīñ mauqūf

saare 'ālam bane nabī ke liye

koī momin ho chāhe ho kāfir

vo to rahmat haiñ har kisī ke liye

chashm-o-dil donoñ vā haiñ 'hātif' ke

mere sarkār aap hī ke liye

dil mein ulfat rakhe nabi ke liye

ye hi behtar hai aadmi ke liye

jitni un ke liye hai is dil mein

utni chahat nahin kisi ke liye

maula baKHshega sari ummat ko

apne mahbub ki KHushi ke liye

jis mein pyare nabi ka rauza hai

dil hai betab us gali ke liye

ek duniya hi pe nahin mauquf

sare 'alam bane nabi ke liye

koi momin ho chahe ho kafir

wo to rahmat hain har kisi ke liye

chashm-o-dil donon wa hain 'hatif' ke

mere sarkar aap hi ke liye