hashr mein mujhko bas itna aasra darkar hai

hashr meñ mujh ko bas itnā aasrā darkār hai

iltifāt-e-shāfe'-e-roz-e-jazā darkār hai

aur us ko chāhiye kyā aur kyā darkār hai

vo nabī kā ho rahe jis ko ḳhudā darkār hai

jo mujhe le jaa.e un ke āstān-e-pāk tak

vo tamanna vo talab vo mudda.ā darkār hai

dil to hai ābād mahbūb-e-ḳhudā kī yaad se

merī āñkhoñ ko jamāl-e-mustafā darkār hai

vo jahāñ chāhe rahe jis ko nahīñ ishq-e-nabī

vo idhar aa.e jise lutf-e-ḳhudā darkār hai

jo nabī kā hai ham us ke banda-e-be-dām haiñ

har-nafas ham ko buzurgoñ kī duā darkār hai

maiñ madīne meñ abad kī niiñd so jā.ūñ 'nasīr'

rahne basne ko mujhe thoḌī sī jā darkār hai

hashr mein mujh ko bas itna aasra darkar hai

iltifat-e-shafe'-e-roz-e-jaza darkar hai

aur us ko chahiye kya aur kya darkar hai

wo nabi ka ho rahe jis ko KHuda darkar hai

jo mujhe le jae un ke aastan-e-pak tak

wo tamanna wo talab wo muddaa darkar hai

dil to hai aabaad mahbub-e-KHuda ki yaad se

meri aankhon ko jamal-e-mustafa darkar hai

wo jahan chahe rahe jis ko nahin ishq-e-nabi

wo idhar aae jise lutf-e-KHuda darkar hai

jo nabi ka hai hum us ke banda-e-be-dam hain

har-nafas hum ko buzurgon ki dua darkar hai

main madine mein abad ki nind so jaun 'nasir'

rahne basne ko mujhe thoDi si ja darkar hai