jab shah-e-kaunain ki midhat ka darwaza khula

jab shah-e-kaunain kī mid.hat kā darvāza khulā

daf'atan allāh kī rahmat kā darvāza khulā

bā-vazū ho kar liyā nām-e-ḳhudā kī fikr jab

ḳhud-ba-ḳhud phir zehn meñ vus'at kā darvāza khulā

raushnī aisī huī zarre munavvar ho ga.e

jab rasūl-e-pāk kī sīrat kā darvāza khulā

aap kā farmān hī mere liye īmān hai

maañ ke qadmoñ meñ mirī jannat kā darvāza khulā

farq ahmad aur ahad kā jis pe zāhir ho gayā

miim kā parda uThā hairat kā darvāza khullā

hai karam un kā milī mujh ko du'ā māñ-bāp kī

jāh-o-hashmat ‘izzat-o-‘azmat kā darvāza khulā

zehn meñ jin ke mohammad mustafā kī yaad hai

un parindoñ ke liye rif'at kā darvāza khulā

aap ke naqsh-e-qadam par jo chale un ke tufail

tā-qayāmat baḳhshish-e-ummat kā darvāza khulā

ye shah-e-kaunain kī mujh par 'ināyat hai 'atīq'

kaun jaane kyoñ mirī shohrat kā darvāza khulā

jab shah-e-kaunain ki midhat ka darwaza khula

daf'atan allah ki rahmat ka darwaza khula

ba-wazu ho kar liya nam-e-KHuda ki fikr jab

KHud-ba-KHud phir zehn mein wus'at ka darwaza khula

raushni aisi hui zarre munawwar ho gae

jab rasul-e-pak ki sirat ka darwaza khula

aap ka farman hi mere liye iman hai

man ke qadmon mein meri jannat ka darwaza khula

farq ahmad aur ahad ka jis pe zahir ho gaya

mim ka parda uTha hairat ka darwaza khulla

hai karam un ka mili mujh ko du'a man-bap ki

jah-o-hashmat ‘izzat-o-‘azmat ka darwaza khula

zehn mein jin ke mohammad mustafa ki yaad hai

un parindon ke liye rif'at ka darwaza khula

aap ke naqsh-e-qadam par jo chale un ke tufail

ta-qayamat baKHshish-e-ummat ka darwaza khula

ye shah-e-kaunain ki mujh par 'inayat hai 'atiq'

kaun jaane kyon meri shohrat ka darwaza khula